தவக்காலத்தின் முதல் ஞாயிறுசோதனையே திறவுகோல் தொடக்க நூல 9: 8-15
1 பேதுரு 3: 18-22
மாற்கு 1: 12-15தவக்காலத்தின் முதல் ஞாயிறன்று இயேசுவின் மனிதத்தன்மையைத் எடுத்துரைக்கிறது. அவரின் சோதனையையும், வேதனையையும் திருச்சபை நம் கண்முன் வைக்கின்றது. இயேசு தூய ஆவியால் வழிநடத்தப்பட்டு பாலைவன அனுபவம் பெற அழைத்துச்செல்லப்படுகிறார். வாழ்வில் கிடைக்கின்ற அனுபவங்கள் அனைத்தும் ஏதாவது ஒரு பாடத்தைக் கற்றுக் கொடுக்கின்றன. அவை முதிர்ச்சி, வளர்ச்சி, தளர்ச்சி, பயிற்சி என பலவிதத்தில் எடுத்துக்கொள்ளலாம். மனிதருக்குள் புதைந்திருக்கும் சக்தியை அறிந்துக் கொள்ள உதவும் திறவுகோல் தான் சோதனை.
• இப்படிப்பட்ட சோதனைக்கு அடையாளத்தின் சின்னமாக பாலைநிலத்தை புனித மாற்கு நம் கண்முன் வைக்கிறார். பாலைநிலம் என்றதும் நாம் நினைப்பது மணல், தனிமை, வறண்ட பகுதி, வெறுமை, மிகுதியான வெயில், இரவில் குளிர் நிறைந்து காணப்படும் ஒரு பகுதி. ஆனால் இந்த இடத்தில் இருந்துத்தான் உறவு பிறக்கிறது. இறைவனுக்கும் மனிதனுக்கும் உள்ள உறவு ஆழப்படுத்தப்படுகிறது. (எசா 40:3)
இறைமகன் இயேசு சோதிக்கப்படுகிறார், அதில் வெற்றி காண்கிறார், நம்மையும் கடந்து வர அழைக்கிறார்.
திருவிவிலியத்தில் சோதனைக்கு உட்பட்டவர்களில் சிலர்:
ஆதாம் ஏவாள் (தொ 3:16)
காயின் ஆபேல் (தொ 4:1-16)
ஆபிரகாம் (தொ 22:1)
யோபு (யோபு 1:1-12)
பேதுரு (மத் 26: 69-75)
யூதாஸ் (மத் 27:3-10)
சோதனை வேளையில் நமது நம்பிக்கையை, விசுவாசத்தை உறுதிப்படுத்த வேண்டுவோம்.
• இயேசு வெற்றிக்கொண்டார் என்பதற்கு மாற்கு எடுத்துக்காட்டாக கூறப்படும் செய்தி வானதூதர்கள் இறைமகன் இயேசுவிற்கு பணிவிடை செய்தார்கள் என வாசிக்க கேட்கிறோம். மாற்1:13
• மத் 6:13 செபத்தின் வழி சோதனைகளை வெல்ல முடியும் என அன்று சீடர்களுக்கு கற்றுக்கொடுத்து திடப்படுத்தினார். அந்த இறைமகன் இயேசு நம்மையும் செபத்தின் வழி அனைத்து சோதனைகளையும், வேதனைகளையும், கசப்பான அனுபவங்களையும் மறந்து மீண்டும் புதுவாழ்வு பெற முடியும் என நம்மை அழைக்கிறார்.
கடவுளுடைய மகனாகிய இயேசுவே சோதனைக்கு உட்பட்டார் எனில் மனிதர்களாகிய நாம் சோதனையை, வேதனையை வாழ்வில் சந்திப்பது என்பது இயற்கையின் நியமனங்கள். மேலே சுட்டிக் காண்பிக்கப்பட்டவர்களில் கூட வெற்றி, தோல்விகளை சந்தித்தவர்களைப் பார்க்கிறோம். ஆம் எதார்த்தங்களை இறைவன் துணையோடும், விசுவாச கண்ணோட்டத்தோடும் வழிசென்ற ஆபிரகாம், யோபு, பேதுருவை நம் சோதனை வேளையில் கண்முன் கொள்வோம். சோதனைகளை எளிதில் கடந்து வரமுடியும் என இறைநம்பிக்கை கொள்வோம்.
நாட்டில் கிறிஸ்தவர்களுக்கு ஏற்படும் சோதனையும், வேதனையும் அதிகமாகி கொண்டே இருக்கின்றன. இந்த வார செபங்கள், ஒறுத்தல்கள் சோதிக்கப்படும் போது நாம் இறைவன் மீது கொண்டுள்ள விசுவாசத்தில் ஆழப்பட அமைவனவாக இருக்கட்டும். செபம் வழி வெற்றியை இவ்வுலகிற்கு பறைசாற்றும் மனிதர்களாக வாழ இறைவன் துணை நாடுவோம். மன்றாடுவோம். ஆமென்.
|
