வழியும் உண்மையும் வாழ்வும் நானே. என் வழியாய் அன்றி எவரும் தந்தையிடம் வருவதில்லை.
(யோவான் 14:6)



பக்க இலக்கங்களை அழுத்தி எல்லா செய்திகளையும் பார்வையிடவும்


இலங்கை அமலமரி தியாகிகள் சபையின் கொழும்பு மாகாண முதல்வராக அருட்தந்தை. ஐவின் மொறாய்ஸ் அமதி அவர்கள்

இலங்கை அமலமரி தியாகிகள் சபையின் கொழும்பு மாகாண முதல்வராக அருட்தந்தை. ஐவின் மொறாய்ஸ் அமதி அவர்கள் நியமிக்கப்பட்டுள்ளார். இம்மாதம் 17/02/2017 இருந்து தனது புதிய பணியினை பொறுப்பேற்பார். புதிய பணி சிறக்க செபித்து வாழ்த்துகின்றோம் [2017-02-02 22:26:42]


மன்னார் பொது வைத்தியசாலைக்கு சக்கர நாற்காலிகள் வழங்கி வைப்பு

மன்னார் கறிற்ராஸ் வாழ்வுதயம் தனது 36 வருட வளர்ச்சியில் போர்க்கால சூழலைக் கருத்திற்கொண்டு அதிகரித்து கொண்டிருந்த போரினால் பாதிக்கப்பட்ட மக்களுக்கு கை, கால்கள் போன்ற செயற்கை அவயவங்களைப் பொருத்தும் ஒரு பிரிவை உள்ளகத்துக்குள் உருவாக்கிய அப்பிரிவு இன்று செவ்வாய்க்கிழமையுடன் (31) தனது 18 ஆவது வருடங்களை பூர்த்தி செய்துள்ளது. இந்த நிலையில் அதன் ஞாபகமாக இன்று இன்று செவ்வாய்க்கிழமை (31) மன்னார் பொது வைத்தியசாலையின் வைத்திய அத்தியட்சகர் திருமதி றஜனி சிசில் அவர்கள் விடுத்த வேண்டுகோளிற்கிணங்க நோயாளிகள் பயன் பெறும் வகையில் சக்கர நாற்காலிகளை வைத்தியசாலைக்கு அன்பளிப்பாக வாழ்வுதய இயக்குனர் அருட்படி கே. ஜெயபாலன் அடிகளார் வழங்கி வைத்தார். குறித்த சக்கர நாற்காலிகளானது தற்போது வீதி விபத்துக்களாலும், டெங்கு நோய், தாக்கங்களினாலும் மற்றும் ஏனைய வருத்தங்களினாலும் தாக்கத்திற்குள்ளாகி வைத்தியசாலைக்கு வருபவர்கள் வைத்தியத்திற்காக வெளி நோயாளர் பிரிவிலிருந்து விடுதிகளுக்கு சுமார் 300 தொடக்கம் 400 வரையிலான மீற்றர் தூரத்திற்கு கொண்டு செல்வதற்கு பெரும் வரப்பிரசாதமாக அமையும் என்பதனை கருத்தில் கொண்டு இன்றயை தினம் புதிய தொழில்நுட்ப முறையிலான பெறுமதி மிக்க சக்கர நாற்காலிகள் வழங்கப்பட்டது. குறித்த நிகழ்வில் மன்னார் பொது வைத்திய சாலையின் வைத்திய அதிகாரிகள், உற்பட பலர் கலந்து கொண்டதோடு வாழ்வுதய நிர்வாக அலுவலர் எம்.ஏ. அல்மேடா உதவிக்கர பிரிவின் இணைப்பாளர் திரு ஜே..எமில் றாஜ் மற்றும் வாழ்வுதய பணியாளர்களும் வாழ்வுதய இயன் மருத்துவர்களும் பங்குபற்றினர். இந்நிகழ்வில் வைத்தியர்கள் தமது கருத்துக்களை கூறும் போது வாழ்வுதய நிறுவனமானது எமது வைத்திசாலையுடன் இணைந்து இவ்வாறான உதவிகளை இன்று மட்டுமல்ல முன்னைய காலங்களிலிருந்து தொடர்ந்து வழங்கி வருவதையிட்டு இதன் இயக்குனர் அருட்பணி எம். ஜெயபாலன் அடிகளாருக்கும் மற்றும் வாழ்வுதய அலுவலர்களுக்கும் பாராட்டினையும் நன்றிகளையும் தெரிவித்தார். தொடர்ந்து வாழ்வுதயத்தின் பணிகள் எமது வைத்தியசாலைக்கு கிடைக்க வேண்டும் எனவும் வைத்தியர்கள் முன்வைத்தனர்.மேற்படி வாழ்வுதய உதவிக்கர பிரிவானது மன்னார் மாவட்டம் மட்டுமல்hலது இலங்கையின் பல மாவட்டங்களிலும் கறிற்ராஸ் வாழ்வுதயதின் இயக்குனர் அருட்பணி எம். ஜெயபாலன் அடிகளாரின் நெறிப்படுத்தலில் இத்துறைசார் பணியாளர்கள் ஊடாக சிறப்பான பணிகளை ஆற்றிவருகின்றமை குறிப்பிடத்தக்கது. [2017-02-01 23:25:50]


தாண்டவன்வெளி தூய காணிக்கை அன்னை ஆலய வருடாந்த திருவிழா கொடியேற்ற நிகழ்வு

மட்டக்களப்பு தாண்டவன்வெளி தூய காணிக்கை அன்னை ஆலய வருடாந்த திருவிழா கொடியேற்றத்துடன் ஆரம்பமானது. மட்டக்களப்பு மறைமாவட்டத்தின் தாண்டவன்வெளி தூய காணிக்கை அன்னை ஆலய வருடாந்த திருவிழா  பங்குத்தந்தை ஏலக்ஸ் ரொபட் தலைமையில் (27)  வெள்ளிக்கிழமை மாலை விசேட ஆசிர்வாதத்துடன் திருவிழா கொடியேற்ற நிகழ்வு  நடைபெற்றது. திருவிழா கொடியேற்ற நிகழ்வினை  தொடர்ந்து செபமாலை ,பிராத்தனை ஒப்புகொடுக்கப்பட்டு முதல்நாள் நவநாள் திருப்பலி  ஒப்புக்கொடுக்கப்பட்டது . திருவிழா  நவநாள் காலங்களில் ஆலயத்தில்  தினமும் மாலை 05.30 மணிக்கு   ஜெபமாலை  பிராத்தனைகள் இடம்பெற்று   திருப்பலி ஒப்புக்கொடுக்கப்படும் . எதிர்வரும் சனிக்கிழமை 4ஆம் திகதி மாலை 06.00  மணிக்கு தூய காணிக்கை அன்னையின்   திருச்சொரூப பவனி  அதனை தொடர்ந்து விசேட நற்கருணை வழிபாடும் ,நற்கருணை ஆசீரும் இடம்பெறும் . 05.02.2016  ஞாயிற்றுக்கிழமை காலை 07.00 மணிக்கு  மட்டக்களப்பு மறைமாவட்ட  ஆயர் பொன்னையா ஜோசப் ஆண்டகையினால் தலைமையில் விசேட திருவிழா கூட்டுத்திருப்பலி ஒப்புக்கொடுக்கப்படும் [2017-02-01 22:44:09]


திருகோணமலை உவர்மலை குழந்தை இயேசு ஆலய 31வது வருடாந்த திருவிழா

திருகோணமலை உவர்மலை குழந்தை இயேசு ஆலய 31வது வருடாந்த திருவிழா கடந்த ‎27-01-2017 . . (வெள்ளிக்கிழமை ) மாலை 5. மணிக்கு கொடியேற்றத்துடன் ஆரம்பமாகி தொடர்ந்து நடைபெற்றுக் கொன்டிருக்கின்றது . . 10 நாட்கள் நடைபெறும் இந் நிகழ்வுகள் தினமும் மாலை 5.00 மணிக்கு திருச்செபமாலையுடன் ஆரம்பமாகி தொடர்ந்து நவநாள், திருப்பலி ஆராதனை இடம்பெறும் . . . இந் நவநாள் நிகழ்வுகளில் . . அருட்பணி . . S,மதுராங்கன் குரூஸ் . . B.றொபின்சன் போல் . . . . ..H.ஜூட் ஜோன்சன் . . . G.சுலக்ஷன் . . . . A.J.யோகராஜா OMI . . T.கிங்ஸ்லி றொபட் . . ( குரு முதல்வர் . ) அடிகளார்களினால் தினமும் பல்வேறு தலைப்புகளில் கருத்துரைகள் நிகழ்த்தப் படும் . . ‎04-02-2017 சணிக்கிழமை மாலை 05 மணிக்கு நற்கருனை எழுந்தேற்றமும் நவநாள் ஆராதனையையும் தொடர்ந்து அற்புத குழந்தை இயேசுவின் திருச்சுரூபப் பவனி வழமையான வீதிகளினூடாக இடம்பெறும் . . . இறுதி நாள் நிகழ்வான கூட்டுத் திருப்பலி ‎05-02-2017.ஞாயிறு காலை 7மணிக்கு திருகோணமலை மறை மாவட்ட ஆயர், மேதகு கலாநிதி . . . கிறிஸ்டியன் நோயல் இம்மானுவேல் அவர்களினால் ஒப்புக் கொடுக்கப்பட்டு தொடர்ந்து கொடி இறக்க நிகழ்வுகளுடன் திருவிழா நிறைவு பெறும் . . அனைவரும் வருக . . குழந்தை இயேசுவின் ஆசி பெறுக . என அனைவரையும் அன்புடன் அழைக்கின்றனர் பங்கு தந்தையும் பங்கு மக்களும் . . [2017-01-28 22:46:15]


அருட்தந்தை. எல்மோராஜ் அடிகள் இறைபதமடைந்தார்

கொழும்பு உயர் மறைமாவாட்டத்தைச் சேர்ந்த அருட்பணி. எல்மோராஜ் அடிகள் 25/01/2017 அன்று காலமானார். அடிகளாரின் பூதவுடல் முத்துவல் புனித சூசையப்பர் ஆலயத்தில் மக்கள் பார்வைக்கு வைக்கப்பட்டுள்ளது, பின்னர் அடிகளாரின் பூதவுடல் கொழும்பு பேராயர் இல்லத்திற்கு எடுத்து செல்லப்பட்டு ஞாயிற்றுக்கிழமை 29.01.2017 பிற்பகல் 3.00 மணிக்கு அதிவணக்கத்துக்குரிய கர்தினால். மல்கம் றஞ்சித் ஆண்டகை தலைமையில் திருப்பலி ஒப்புக் கொடுக்கப்பட்டு அமரர். அருட்தந்தை.எல்மோ ராஜ் அடிகளாரின் பூதவுடல் பொரளை பொது மயானத்தில் அடக்கம் செய்யப்படும்
இவர் பிரிவால் துயருறும் உற்றார் உறவினர்கள் அனைவருக்கும் எமது ஆழ்ந்த அனுதாபங்கள். தமிழ் கத்தோலிக்க ஆன்மீகப்பணியகம் [2017-01-28 22:43:22]


மன்னார் வேதசாட்சிகள் அன்னை ஆலயத்தின் 36 ஆவது ஆண்டு நிறைவு விழா

மன்னார் - தோட்டவெளி வேதசாட்சிகள் அன்னை ஆலயத்தின் 36 ஆவது ஆண்டு நிறைவு விழா எதிர்வரும் 28 ஆம் திகதி சனிக்கிழமை காலை 7.30 மணியளவில் இடம் பெறவுள்ளது. மன்னார் மறைமாவட்டத்தின் ஏற்பாட்டில் நடைபெறவுள்ளதுடன், இவ்விழாவின் சிறப்பு திருப்பலியினை மன்னார் மறைமாவட்ட அப்போஸ்தலிக்க பரிபாலகர் மேதகு கிங்சிலி சுவாம்பிள்ளை ஆண்டகை அவர்களின் தலமையில் குருக்கள் இணைந்து திருப்பலி ஒப்பு கொடுக்கப்படும். அத்துடன், நடைபெற உள்ள வேதசாட்சிகள் திருவிழாவிற்கு மன்னார் மறைமாவட்டத்தின் பல்வேறு பங்குகளில் இருந்தும் இறைமக்கள் வருகை தந்து இறையாசீரை பெற்றுச் செல்லுமாறு மன்னார் மறைமாவட்டம் சார்பாக அழைத்து நிற்கின்றோம். மேலும், போக்குவரத்து ஒழுங்குகள் செய்யப்பட்டுள்ளது என்பதனையும் அறியத்தருகின்றோம். இதே வேளை இந்த திருவிழா திருப்பலியின் போது அங்காங்கே விளையாட்டு வினோதப் பொருட்கள் விற்பது முற்றாக தடைசெய்யப்பட்டுள்ளது. எனவே இறையாசீர் பெற்றுச்செல்ல இறைமக்கள் அனைவரையும் அன்போடு அழைத்து நிற்கின்றோம். [2017-01-26 23:14:39]


சில்லாலையில் துய யோசவ்வாஸ் யாத்திரைத்தலத்திற்கான அடிக்கல் நாட்டிவைப்பு: குளோபல் தமிழ்ச் செய்தியாளர்:-

சில்லாலையில் துய யோசவ்வாஸ் யாத்திரைத்தலத்திற்கான அடிக்கலினை யாழ் ஆயர் மேதகு கலாநிதி யஸரீன் பேணாட் ஞானப்பிரகாசம் ஆண்டகை நாட்டிவைத்தார் .
துய யோசவ்வாஸ் யாத்திரைத்தலம் அமைப்பது தொடர்பில் யாழ் மறைமாவட்டம் குழு அமைத்து ஆலோசனை மேற்கொண்டதற்கு அமைவாக துய யோசவ்வாஸ் யாத்திரைத்தலம் சில்லாலையில் அமைப்பது என்ற தீர்மானத்தை எடுத்தது இதற்கமைவாக சில்லாலை பங்குத்தந்தையாக இருந்த அருட்பணி எமில் போல் அடிகளாரிடம் இதற்கான முடிவு அறிவிக்கப்பட்டதைத் தொடர்ந்து அருட்பணி எமில் போல் அடிகளார் சில்லாலை பங்குமக்களுடன் கலந்துரையாடி அதற்கான பணியில் முழுமுச்சுடன் ஈடுபட்டார் .
இதனைத் தொடர்ந்து புதிய பங்குத்தந்தையாக பொறுப்பேடுத்த அருட்பணி அகஸ்ரின் அடிகளார் யாத்திரைத்தலத்திற்கான பணியினை வேகப்படுத்தியதன் காரணமாக நேற்று திங்கட்கிழமை 16.01.2017 மாலை யாழ் ஆயர் மேதகு கலாநிதி யஸரீன் பேணாட் ஞானப்பிரகாசம் ஆண்டகை யாத்திரைத்தலத்திற்கான அடிக்கல்லினை நாட்டி வைத்தார் இதற்கு முன்னதாக 15.01.2017 யாத்திரைத்தலத்திற்கான துய யோசவ்வாஸ் திருச்சொருபத்தை துய கதிரை அன்னை ஆலயத்தில் இருந்து ஆலய பங்குத்தந்தை அருட்பணி அகஸ்ரின்அடிகளார் தலைமையில் பவனியாக புதிய இடத்திற்கு எடுத்துச் செல்லப்பட்டு யாழ் மறை மாவட்ட குரு முதல்வர் அருட்பணி ஜெபரட்ணம் அடிகளாரால் நற்கருணை வழிபாட்டும் திருப்பலியும் ஓப்புக்கொடுக்கப்பட்டு திருச்சொருபம் ஸ்தாபிக்கப்பட்டது.
துய யோசவ்வாஸ் சில்லாலையில் 06.06.1687 முதல்25.12.1689 வரை இருந்து தன்னலமற்ர சேவைசெய்துள்ளார் இதற்கு அமைவாகவே இங்கு யாத்திரைத்தலம் அமைவதுபொருத்தம் என்பதால் ஆலயம் அமைக்கப்படவுள்ளது. 1995ஆம் ஆண்டு ஜனவரி மாதம் 21ஆம் பாப்பரசர் இரண்டாம் அருளப்பர் சின்னப்பரால் துய யோசவ்வாஸ் அருளாளர் நிலைக்கு உயர்த்தப்பட்டு 2015ஆம் ஆண்டு ஜனவரி 14ஆம் திகதி பாப்பரசர் பிரான்சிஸ் அவர்களால் புனிதர் நிலைக்கு உயர்த்தப்பட்டார் சில்லாலை துய கதிரை அன்னை ஆலயத்தில் துய யோசவ் வாஸ் அடிகளார்காலத்தில் இருந்து பணிபுரிந்த இடத்தில் துய யோசவ் வாஸ் சிற்ராலயம் முன்னாள் பங்குத்தந்தை அருட்பணி நேசன் அடிகளாரால் அடிக்கல் நாட்டப்பட்டு 2013ஆம் ஆண்டு ஜனவரி13ஆம் திகதி முன்னாள் யாழ் ஆயர் தோமஸ் சவுந்தரநாயகம் ஆண்டகையால் திறந்து வைக்கப்பட்டது இதேவேளை துய யோசவ்வாசின் வாழ்க்கை வரலாறு அடங்கிய அருங்காட்சியகம் துய கதிரை ஆலயத்தில் இளவாலை மறைக்கோட்ட முதல்வர் அருட்பணி யேசுரட்ணம் அடிகளாரால் திறந்து வைக்கப்பட்டுள்ளது. மேலும் துய யோசவ்வாசின் வாழ்கை வரலாறு தொடர்பான அருங்காட்சியகம் சில்லாலையிலேதான் ஆவணப்படுத்தப்பட்டுள்ளது குறிப்பிடத்தக்கது. [2017-01-19 22:39:37]


திரு . ஜே. ஹென்றி ரெத்னராஜா அவர்களின் தொகுப்பில் உருவான "இலங்கையின் முதல் புனிதர் தூய ஜோசப்வாஸ்"

திரு . ஜே. ஹென்றி ரெத்னராஜா அவர்களின் தொகுப்பில் உருவான "இலங்கையின் முதல் புனிதர் தூய ஜோசப்வாஸ்"என்னும் வரலாற்று நூல் 15.01.2017 அன்று தாண்டவன்வெளி தூய காணிக்கை அன்னை ஆலயத்தில் வெளியிடப்பட்டது. இதன் முதல் பிரதியானது பங்குத்தந்தை அருட்தந்தை.ஜி.அலக்ஸ் றொபட் அடிகளாருடன் இணைந்து மட்டக்களப்பு மறைமாவட்ட ஆயர் பேரருட்தந்தை.ஜோசப் பொன்னையா ஆண்டகை அவர்களுக்கு கையளிக்கப்பட்டு வெளியிடப்பட்டது. [2017-01-15 13:49:46]


இன்று இலங்கை வாழ் அமலமரித் தியாகிகள் சபையினர் (யாழ் மாகாணம்) அனைவருக்கும் ஒரு உன்னதமான நாள்

இன்று இலங்கை வாழ் அமலமரித் தியாகிகள் சபையினர் (யாழ் மாகாணம்) அனைவருக்கும் ஒரு உன்னதமான நாள், எல்லாம் வல்ல இறைவன் அருளால், அமலமரித் தியாகிகள் சபையைச் சேர்ந்த திருத்தொண்டர். கீதபொன்கலன் பீ ட் சுஜாகரன் அமதி அவர்கள் யாழ் மறைமாவட்ட ஆயர் அதி வணக்கத்துக்குரிய ஜஸ்ரின் பேனாட் ஞானப்பிரகாசம் ஆண்டகை அவர்களால் 2017 ம் ஆண்டு 17ம் திகதி தை மாதம் வியாழக்கிழமை காலை 9 : 30 மணியளவில் யாழ் மரியன்னை பேராலயத்தில் குருத்துவ அருட்பொழிவு செய்யப்படஉள்ளார். புதிய குருவுக்கு எமது இதயம் கனிந்த வாழ்த்துக்கள். அருட் தந்தையின் பணி சிறக்கவும், இறைவனின் ஆசீர் இவரோடு என்றும் இருக்கவும் இவருக்காக செபிப்பதோடு, எமது இதயம் கனிந்த வாழ்த்துகளையும் தெரிவித்து கொள்கின்றோம். இவர் தனது முதல் நன்றித்திருப்பலியை முல்லைத்தீவு புனித பேதுருவானவர் ஆலயத்தில் 21 / 01 / 2017 சனிக்கிழமை ஒப்புக்கொடுப்பார். [2017-01-15 13:47:26]


இலங்கை நல்லிணக்க ஆலோசனை குழு பரிந்துரைக்கு வரவேற்பு

சன.12,2017. இலங்கையில் நீண்ட காலமாக இடம்பெற்ற உள்நாட்டுப் போரின்போது இடம்பெற்ற மனித உரிமை மீறல் வழக்குகளை விசாரிப்பதற்கு, வெளிநாட்டு நீதிபதி ஒருவரையாவது நியமிக்க வேண்டுமென்ற ஒரு குழுவின் பரிந்துரையை வரவேற்றுள்ளார், திரிகோணமலை ஆயர் நோயெல் இம்மானுவேல். இலங்கையில் நல்லிணக்க வழிமுறைகள் குறித்த ஆலோசனைக்கு அரசால் நியமிக்கப்பட்ட குழு, இம்மாதம் 3ம் தேதி, அந்நாட்டு வெளியுறவு அமைச்சர் மங்கள சாமவீரா அவர்களிடம் சமர்ப்பித்த அறிக்கையில், மனித உரிமை மீறல் வழக்குகளை விசாரிப்பதற்கு, குறைந்தது ஒரு வெளிநாட்டு நீதிபதியையாவது நியமிக்க வேண்டுமென்று கேட்டுக்கொண்டுள்ளது. இது குறித்து, கருத்து தெரிவித்த ஆயர் இம்மானுவேல் அவர்கள், வெளிநாட்டு நீதிபதிகளின் இருப்பு, சரியானது என்றும், இலங்கையில், போர்க்காலக் குற்றங்களுக்குச் சாட்சி சொல்பவர்கள் அச்சுறுத்தப்படுகின்றனர் என்றும் கூறியுள்ளார். விசாரணையின்போது, இலங்கை நீதிபதிகள் இருந்தால், உள்ளூர் அதிகாரிகள், அவர்களை வசப்படுத்தி, தங்களின் விருப்பு வெறுப்புக்கு ஏற்றால்போல், அறிக்கைகளை எழுத வைப்பார்கள் எனவும், ஆயர் இம்மானுவேல் அவர்கள், கூறியுள்ளார் மேலும், உலகத் தமிழர் பேரவையும், நல்லிணக்க வழிமுறைகள் ஆலோசனை குழுவின் விரிவான அறிக்கையை வரவேற்றுள்ளதோடு, அவ்வறிக்கையின் பரிந்துரைகள் செயல்படுத்தப்பட வேண்டுமென கேட்டுக்கொண்டுள்ளது.
ஆதாரம் : UCAN / வத்திக்கான் வானொலி [2017-01-12 23:25:54]


பக்க இலக்கங்களை அழுத்தி எல்லா செய்திகளையும் பார்வையிடவும்