வழியும் உண்மையும் வாழ்வும் நானே. என் வழியாய் அன்றி எவரும் தந்தையிடம் வருவதில்லை.
(யோவான் 14:6)



பக்க இலக்கங்களை அழுத்தி எல்லா செய்திகளையும் பார்வையிடவும்


யாழ் மறைமாவட்ட மூத்த குருக்களில் ஒருவரான எஸ்.இ.என். குணசீலன் அடிகளார்

யாழ் மறைமாவட்ட மூத்த குருக்களில் ஒருவரான எஸ்.இ.என். குணசீலன் அடிகளார் 24 ஏப்பரல் 2017 அன்று காலை மரணமானார். அவரின் இறுதிச்சடங்குகள் பற்றிய விபரம் பின்னர் அறிவிக்கப்படும். அவரின்; பூதவுடல் மக்கள் அஞ்சலிக்காக ஆயர் இல்ல சிற்றாலயத்தில் வைக்கப்பட்டுள்ளது. தகவல் அருள்திரு ப.யோசவ்தாஸ் ஜெபரட்டனம் அடிகளார் யாழ் மறைமாவட்ட குரு முதல்வர் ஆயர் இல்லம் - யாழ்ப்பாணம் [2017-04-28 23:55:13]


ஓய்வு பெற்ற ஆயர் இராயப்பு ஜோசப்பு ஆண்டகையின் 77ஆவது பிறந்த தினம்

உலகெங்கிலும் உயிர்த்த ஞாயிறு தினம் அனுஷ்டிக்கப்பட்டு வரும் நிலையில் மன்னார் மறைமாவட்டத்தின் ஓய்வு பெற்ற ஆயர் இராயப்பு ஜோசப்பு ஆண்டகையின் 77 ஆவது பிறந்த தினம் இன்று நினைவு கூரப்படுகிறது. மன்னார் மாவட்ட ஆயராக இருந்த இவருக்கு கடந்த 2015ஆம் ஆண்டு திடீரென ஏற்பட்ட சுகயீனம் காரணமாக நீண்டகாலமாக சிகிச்சை பெற்று வந்தார். இந்த நிலையில் மன்னார் மறைமாவட்ட ஆயர் இராயப்பு ஜோசப்பு ஆண்டகைக்கு பதிலாக மறைமாவட்டத்தின் புதிய ஆயராக மன்னார் மறைமாவட்ட அப்போஸ்தலிக்க பரிபாலகர் மேதகு கிங்சிலி சுவம்பிள்ளை ஆண்டகை நியமிக்கப்பட்டார். இருப்பினும் ஆன்மீகத்தலைவராக மன்னார் மறைமாவட்டத்தின் ஓய்வு நிலை ஆயர் இராயப்பு ஜோசப்பு ஆண்டகையின் பிறந்த தினம் ஒவ்வொரு வருடமும் நினைவு கூரப்பட்டு வருகின்றமை குறிப்பிடத்தக்கது. [2017-04-17 11:28:07]


மன்னார் மறைமாவட்ட கத்தோலிக்க ஒன்றியத்தின் செயலாளர் திரு. பி.சிந்தாத்துரை அவர்கள் காலமானார்

மன்னார் மறைமாவட்ட கத்தோலிக்க ஒன்றியத்தின் செயலாளர் திரு. பி.சிந்தாத்துரை அவர்கள் இன்று காலை காலமானார். அமரர் பி.சிந்தாத்துரை அவர்கள் மன்னார் மாவட்டத்தின் முன்னேற்றபாதைக்கு, தமிழ் மக்களுக்கு குரல் எழுப்புவதிலும், உரிமைக்காகவும், இன்னும் பலதரப்பட்ட பொது அமைப்புக்களிலும், பொதுப்பணிகளிலும் தன்னை ஈடுபடுத்தி மக்கள் மத்தியிலும் மாவட்டத்தின் மத்தியிலும் மிகவும் பிரசித்தி பெற்ற மனிதராக திகழ்ந்தவர் இன்று அனைத்தையும் ஆண்டவர் பாதத்தில் வைத்துவிட்டு இவ்வுலகை விட்டு சென்று விட்டார். அமரர் சிந்தாத்துரை அவர்கள் கத்தோலிக்க ஒன்றியத்தின் செயலாளராக பணியாற்றிக்கொண்டிருந்தவர் இன்று தனது பணியை நிறைவு செய்து இளைப்பாற சென்றமை எமக்கு மட்டுமல்ல மன்னார் மாவட்டத்திற்கும் ஒரு இழப்பு என்றெ கூறலாம். எது எவ்வாறு இருப்பினும் அனைவருக்கும் ஒரு நாள் மரணம் என்பது நிச்சயம் வந்தே சேரும். இவரின் பிரிவால் துயர் கொள்ளும் மனைவி, பிள்ளைகள், சகோதர சகோதரிகள், நண்பர்கள், உற்றார் உறவினர்கள், பொது அமைப்பின் பிரதிநிதிகள் அனைவருக்கும் எமது ஆறுதல்களை இந்த வேளையில் தெரிவித்து நிற்கின்றோம். இதே வேளை அமரர் ப.சிந்தாத்துரை அவர்களுக்கு மன்னார் மறைமாவட்டம் சார்பாக கண்ணீர் அஞ்சலிகளை மனம் உருகி, கண்ணீர் சொரிய தெரிவித்துக் கொள்ளுகின்றோம். "சென்றுவா கிறிஸ்தவனே நீ உலகை வென்றுவிட்டாய் விசுவாசத்தால் நீ வென்றுவிட்டாய்" [2017-04-17 11:25:56]


திருத்தையிலம் ஆசீர்வதிக்கும் சடங்கு.

மன்னார் புனித செபஸ்தியார் பேராலயத்தில் (திங்கள்கிழமை) இன்று மாலை 5மணிக்கு மன்னார் மறைமாவட்ட அப்போஸ்தலிக்க பரிபாலகர் மேதகு கின்சிலி சுவாமிபிள்ளைஆண்டகை தலமையில் திருத்தையிலம் ஆசீர்வதிக்கும் சடங்கு இடம் பெற்றது. இந்த புனிதமான திருச்சடங்கு நிகழ்விற்கு அனைத்து பங்கு குருக்கள், கன்னியர்கள் அருட்சகோதரர்கள், கத்தோலிக்க இறைமக்கள் அனைவரும் கலந்து கொண்டதோடு ஆயர் தலமையில் திருப்பலியும் ஒப்புக்கொடுக்கப்பட்டது. [2017-04-11 22:50:13]


மட்/வீச்சுக்கல்முனை புனித அன்னம்மாள் ஆலய....

மட்/வீச்சுக்கல்முனை புனித அன்னம்மாள் ஆலய, மற்றும் திருப்பெருந்துறை அன்னை வேளாங்கன்னி ஆலய பங்கு மக்களால் தவக்கால யாத்திரையாக 31.03.2017 - 01.04.2017 வரை வவுனியா,மடு,கல்கமுவ, ஆகிய புனித தளங்கள் தரிசிக்கப்பட்டன [2017-04-04 11:47:17]


வரலாற்று சிறப்பு மிக்க பரப்புக்கடந்தான் கர்த்தர் ஆலயத்திருவிழா.

வரலாற்று சிறப்பு மிக்க பரப்புக்கடந்தான் கர்த்தர் ஆலயத்திருவிழா மன்னார் மறைமாவட்டத்தில் மிகவும் பிரசித்திபெற்ற ஒரு ஆலயமாகும். வருடா வருடம் தவகாலத்தில் கத்தோலிக்க இறைமக்கள் யேசு ஆண்டவரின் திரு சிலுவையை சுமந்து கொண்டு கல்வாரி பாதயாத்திரை மேற்கொள்ளுவது வழக்கம். அது போன்று இந்த ஆண்டும் கல்வாரி நோக்கிய பயணத்தினை மக்கள் மேற்கொண்டு ஆண்டவர் யேசுவின் பாடுகள், மரணம், உயிர்ப்பு என்பவற்றை தியானிக்கவும் அதன்படி வாழவும் அழைக்கப்படுகின்றார்கள். கத்தர் ஆலய திருவிழாவை முன்னிட்டு எதிர்வரும் 4.04.2017, 05.04.2017 , செவ்வாய், புதன், ஆகிய 2 தினங்களிலும் மாலை 6மணிக்கு திருச்சிலுவைப்பாதையும், திருப்பலியும் ஒப்புக்கொடுக்கப்படும். 06.04.2017 வியாழக்கிழமை மாலை 6மணிக்கு திருச்சிலுவைப்பாதையும் நற்கருனை ஆராதனையும் இடம்பெறும். இதனை தொடர்ந்து 07.04.2017 வெள்ளிக்கிழமை காலை 7:30மணியளவில் மன்னார் மறைமாவட்ட அப்போஸ்தலிக்க பரிபாலகர் மேதகு கின்சிலி சுவாமிப்பிள்ளை ஆண்டகை தலமையில் குருக்கள் இனணந்து கூட்டுத்திருப்பலியாக ஒப்புக் கொடுக்கப்படும். அதனை தொடர்ந்து காலை 10.00மணிக்கும் நண்பகல் 12.00மணிக்கும் மதியம் 1:00மணிக்கு பாரம்பரிய திருச்சுருப ஆசந்திச் சடங்கும், மாலை 5:30மணிக்கு சிலுவைப்பாதையும் திருப்பலியும் ஒப்புக்கொடுக்கப்படும். எனவே கத்தோலிக்க இறைமக்களை இந்த நிகழ்வில் கலந்து கொண்டு இறையாசீர் பெற்றிடவும், தவகாலத்தை பயனுள்ளதாக கொண்டாடவும் மன்னார் மறைமாவட்டம் சார்பாக அழைத்து நிற்கின்றோம். குறிப்பு : போக்குவரத்து ஒழுங்குகள் மேற்கொள்ளப்பட்டுள்ளன. நன்றி பங்குதந்தை, ஆலய மக்கள், பங்கு மக்கள் [2017-04-02 22:32:23]


யாழ்.நாவாந்துறை குருசடித்தீவு அந்தோனியார் ஆலயத்திருவிழா

யாழ்ப்பாணம் - நாவாந்துறை குருசடித்தீவு என அழைக்கப்படும் சிறுத்தீவு அந்தோனியார் ஆலய வருடாந்த திருவிழா திருப்பலி நேற்று (26) குருமுதல்வர் அருட்பணி பி.ஜே.ஜெபரட்ணம் அடிகளார் தலைமையில் ஒப்புக் கொடுக்கப்பட்டது. கச்சதீவு, பாலைதீவு, இரணை தீவு அந்தோனியார் ஆலய திருவிழாக்களை அடுத்து குருசடித்தீவு ஆலய திருவிழாவிற்கும் ஆயிரக்கணக்கான மக்கள் பங்கு கொண்டுள்ளனர். யாழ்ப்பாணம் பண்ணை கடற்கரையில் இருந்து விசேட படகுச் சேவைகளும் இடம்பெற்றுள்ளது. தவக்கால யாத்திரை சிறப்புற அமைய ஆலோசனைகளையும் வழிநடத்தலையும் வழங்கிய அருட்தந்தை அன்ரனி பாலா உட்பட அருட்தந்தை ஜெபன், அருட்தந்தை சசீஸ்குமார், அருட்தந்தை வினோஜன் ஆகியோர் பங்குபற்றியமை குறிப்பிடத்தக்கது. [2017-03-28 23:50:45]


நானாட்டான் பங்கு மக்கள் இணைந்து வழங்கும் இயேசுவின் திருப்பாடுகளின் காட்சி.

நானாட்டான் பங்கு மக்கள் இணைந்து வழங்கும் இயேசுவின் திருப்பாடுகளின் காட்சி "களங்கம் சுமந்த கல்வாரி நாயகன்" என்னும் இயேசுவின் கல்வாரி காவியம் 26வருடங்களுன் பிற்பாடு அரங்கேற்ற உள்ளார்கள். இடம் : புனித ஆரோக்கிய அன்னை ஆலய மைதானம் .நானாட்டான் காலம் : 31.03.2017 வெள்ளிக்கிழமை நேரம் : மாலை 7.00மணி எனவே ஆண்டவரின் திருப்பாடுகளை தியானிக்க கத்தோலிக்க இறைமக்களை அழைத்து நிற்கின்றார்கள். அதே வேளை இந்த. புனித நிகழ்வு சிறப்பாக நடைபெறவும், கலைஞர்கள் மிகவும் சிறப்பாக காட்சிகளை காண்பிக்கவும், மற்றும் ஒழுங்குகளை மேற்கொண்ட அனைவருக்கும் மறைமாவட்டம் சார்பான நல்வாழ்த்துக்களையும் செபங்களையும் தெரிவித்துக்கொள்ளுகின்றோம். எனவே பங்கு மக்கள், அயல் பங்கு மக்கள், நலன் விரும்பிகள் அனைவரையும் பங்குதந்தை, பங்கு மக்கள் சார்பாக அனைவரையும் அழைத்து நிற்கின்றார்கள். [2017-03-27 21:35:15]


அருட் தந்தை. H . ஜோசப் சிறில் மைக்கல் அடிகளார் இறைபதம் அடைந்தார்.

இலங்கையின் கொழும்பு உயர் மறை மாவட்டத்தை சேர்ந்த குருவான அருட் தந்தை. H . ஜோசப் சிறில் மைக்கல் அடிகளார் தனது 81 வது வயதில் காலமானார். அருட்தந்தையின் அம்மா இளைப்பாற்றிக்காக செபிக்கும் படியாக வேண்டுவதோடு அருட்தந்தையின் பிரிவால் துயருறும் உறவினர்கள் அனைவருக்கும் எமது ஆழ்ந்த அனுதாபங்கள். [2017-03-27 21:32:48]


சிலுவையில் இரட்சணியம்......இயேசு ஆண்டவரின் திருப்பாடுகளின் காட்சி (உடக்குப்பாஸ்)

சிலுவையில் இரட்சணியம்......இயேசு ஆண்டவரின் திருப்பாடுகளின் காட்சி (உடக்குப்பாஸ்) 150 வருட கால பழமைவாய்ந்த இலங்கையில் மன்னார் மறைமாவட்டத்தில் பேசாலை கிராமத்தில் பாரம்பரிய கலையான உடக்குகளினாலான எம் பெருமான் இயேசு ஆண்டவரின் திருப்பாடுகளின் காட்சியானது ஆரங்கேற்றப்பட உள்ளது. இடம் : மன் பற்றிமா மத்திய மகாவித்யியாலயம் காலம் : 6,‎7-04-2017 வியாழன், வெள்ளி ஆகிய இரு தினம் நேரம் : மாலை 6;30மணி எனவே ஆண்டவரின் திருப்பாடுகளின் காட்சிகளை உணர்வுபூர்வமாக கண்டு விசுவாசிக்க உங்கள் அனைவரையும் அன்புடன் அழைக்கின்றோம். பங்குதந்தையர்கள் பங்கு மக்கள் பேசாலை [2017-03-25 15:14:35]


பக்க இலக்கங்களை அழுத்தி எல்லா செய்திகளையும் பார்வையிடவும்