வழியும் உண்மையும் வாழ்வும் நானே. என் வழியாய் அன்றி எவரும் தந்தையிடம் வருவதில்லை.
(யோவான் 14:6)



பக்க இலக்கங்களை அழுத்தி எல்லா செய்திகளையும் பார்வையிடவும்


சொறிக்கல்முனை பங்கு தந்தை அருட்பணி R. திருட்செல்வம் ஓர் சாதனையாளர் என மட்டு. ஆயர் யோசப் பொன்னையா ஆண்டகை தெரிவித்துள்ளார்.

சொறிக்கல்முனை திருத்தலத்தில் முதல் நன்மையும் உறுதிப்பூசுதல் திருவருட்சாதனங்களை வழங்குதலும், புதிதாக அமைக்கப்பட்ட குரு மனையையும் காரியாலயத்தையும் திறந்து வைக்கும் நிகழ்வு நடைபெற்றது. இந்த நிகழ்வில் கலந்து கொண்டு கருத்து தெரிவிக்கும் போதே அவர் இதனை தெரிவித்தார். சொறிக்கல்முனை பங்கு தளத்தின் மிக நீண்ட நாள் தேவையாக இருந்த ஒரு புதிய குருமனையும், காரியாலயமும் இன்று பூர்த்தி செய்யப்படுகின்றது. [2017-08-30 23:34:55]


மன்னார் மாவட்ட பிரஜைகள் குழுவின் புதிய தலைவராக வண பிதா ஏ.ஞானப்பிரகாசம் அடிகளார் தெரிவு.

கடந்த வாரம் (05.08.2017) மன்னார் மாவட்ட பிரஜைகள் குழுவின் 2017-2019ம் ஆண்டு காலப்பகுதிக்கான ஆளுநர் சபைக்கான தெரிவு மன்னார் மாவட்ட பிரஜைகள் குழுவின் அலுவலகத்தில் நடைபெற்றது. இவ்வளவு காலமாக பல்வேறுப்பட்ட சவால்களுக்கு மத்தியில் வண பிதா செபமாலை அடிகளார் இனம் மதம் பாராமல் நடுநிலமையாக இருந்து பணியாற்றியது மட்டுமின்றி பல்வேறுபட்ட சவால்கள், அச்சுறுத்தல்கள்,விசாரணைகள் என்ற நெருக்குவாரத்தின் மத்தியிலும் வட கிழக்கு பகுதியில் முதல் முறையாக மாவட்ட மட்டத்திலும், மாகாண மட்டத்திலும் காணாமல் ஆக்கப்பட்டோரின் உறவினர்களை ஒன்று சேர்த்து ஒரு சிறந்த அமைப்பை உருவாக்கிய பெருமையை பெற்றுள்ளார். வண பிதா செபமாலை அடிகளார் தனது பணி காலத்தில் மக்களின் பிரச்சனைகளை உடனுக்குடன் சர்வதேச மட்டத்திற்கும், தூதுவராலயங்களுக்கும் எடுத்தியம்பிருந்தார். பாதிக்கப்பட்ட மக்களின் குரலாக வட மாகாணத்தில் திகழ்ந்த அருட்தந்தை அவர்கள் தற்போது பதவியிலிருந்து விலகி மற்றவர்களுக்கு சந்தர்ப்பத்தை வழங்கியுள்ளார். இதனை தொடர்ந்து மன்னார் மறைமாவட்ட அப்போஸ்தலிக்க பரிபாலகர் மேதகு ஆயர் கிங்சிலி சுவாம்பிள்ளை ஆண்டகை முன்னிலையில் காணி அலுவலகர் வசந்தன் மற்றும் வேல்ட் விஷன் மாவட்ட திட்ட இணைப்பாளர் றெஜி ஆகியோர் தேர்தல் நடாத்துனர்களாக இருந்து வழிநடத்தினார்கள். ஆளுநர் சபைக்கான தெரிவு தேர்தல் வாக்களிப்பில் மன்னார் மறைமாவட்ட மருதமடு சிறிய குருமட இயக்குனர் அருட்தந்தை ஏ.ஞானப்பிரகாசம் அடிகளார் மன்னார் மாவட்ட பிரஜைகள் குழுவின் தலைவராக தேர்ந்தெடுக்கப்பட்டுள்ளார். ஏனைய உறுப்பினர்களாக 1.அருட்பணி.இ.செபமாலை அடிகளார், 2 ந.தங்கராஜா 3.எஸ்.புண்ணியலிங்கம், 4. பி.ஏ.அன்ரனி மார்க், 5. அ.சகாயம், 6. சிங்கிலேயர் பீற்றர், 7.கபிரியேல், 8.அருட்தந்தை N.ஜெகதாஸ் அடிகளார், 9.திருமதி ஜெசி அரியரெட்ணம், 10.அருட்பணி எஸ்.மார்க்கஸ் அடிகளார், 11.திருமதி ம.உதயசந்திரா ஆகியோர் தெரிவு செய்யப்பட்டுள்ளனர். எனவே முன்னைய நாள் தலைவர் அவர்களின் சிறப்பான பணிகளுக்காக மன்னார் மக்கள் சார்பான நன்றிகளையும், பாராட்டுக்களையும் தெரிவித்து நிற்கின்றோம் இதே வேளை புதிதாக பணிப்பொறுப்பை ஏற்றுக்கொண்ட அருட்தந்தை அவர்களையும் வரவேற்று வாழ்த்தி நிற்கின்றோம் [2017-08-19 19:16:08]


வரலாற்று சிறப்புமிக்க மன்னார் மடுத் திருத்தலத்தின் ஆவணிதிருவிழாவிற்கான நவ நாட்கள் 06.08.2017 ஞாயிற்றுக்கிழமை ஆரம்பம்.

வரலாற்று சிறப்புமிக்க மன்னார் மடுத் திருத்தலத்தின் ஆவணித்திருவிழாவிற்கான நவ நாட்கள் 06.08.2017 ஞாயிற்றுக்கிழமை ஆரம்பிக்கப்படுவதாக மன்னார் ஆயர் இல்லம் தெரிவித்துள்ளது. வருடா வருடம் நடைபெறும் ஆவணி திருவிழாவிற்கு பல பாகங்களிலும் இருந்து மக்கள் வருகைதருவது வழக்கம். இந்த முறையும் மிகவும் சிறப்பாக நடைபெற உள்ள திருவிழாவிற்கு முற்கூட்டியே மக்கள் மடுத்திருத்தலத்திற்கு வந்துக்கொண்டிருப்பதாகவும், இவ்வாறு வருகின்றவர்களுக்கான அனைத்து வசதிகளும் செய்து கொடுக்கப்பட்டுள்ளதாக மடு திருத்தலத்தின் பரிபாலகர் வண பிதா எமில் அடிகளார் தெரிவித்தார். இந்த திருவிழாவிற்கான ஏற்பாடுகளாக போக்குவரத்து, சுகாதாரம், மருத்துவம், பாதுகாப்பு, குடிநீர் கடைகள் போன்றவைகளை உரிய அதிகாரிகள் மிகவும் சிறப்பாக செய்து முடித்துள்ளதாகவும் அருட்தந்தை அவர்கள் தெரிவித்தார். அத்தோடு ஆலய சுற்றுப்புற சூழல்களில் சத்தம் போடுதல், விளையாடுதல், வியாபாரம், கேலி கூத்துகள் என்பன முற்றாக தடைசெய்யப்பட்டுள்ளதென்பதை அறியத்தருகின்றோம். அத்தோடு மது அருந்துதல், சீட்டு விளையாடுதல் வானொலி கேட்டல் போன்றன முற்றாக தடைசெய்யப்பட்டுள்ளது. நாளைய தினம் ஆரம்பமாகும் நவநாட்கள் தொடர்ச்சியாக நடைபெற்று ஆவணி மாதம் 14 ம்திகதி நற்கருனை வேஸ்பர் ஆராதனையும், ஆசிரும் இடம் பெறும். அதனை தொடர்ந்து 15.08.2017அன்று காலை திருவிழா திருப்பலியானது தமிழ் சிங்கள மொழிகளில் ஆயர்கள், குருக்கள் இனைந்து கூட்டுத்திருப்பலியா ஒப்புக்கொடுப்பார்கள். அதனை தொடர்ந்து மடு அன்னையின் திருச்சொரூப பவனியும் மடு அன்னையின் ஆசீர்வாதமும் இடம்பெறும் என்பதனையும் அனைத்து பாகங்களிலும் இருந்து மடு அன்னையின் திருத்தலத்திற்கு வருகைதர உள்ள பக்தர்களுக்கு அறியத்தருகின்றோம். குறிப்பு : மடு அன்னையின் ஆசீர் பெற உங்கள் அனைவரையும் அன்போடு அழைத்து நிற்கின்றோம், அவ்வாறு வர முடியாத பக்தர்கள் இருப்பின் உங்கள் தேவைகளை இதில் பதிவு செய்யும் பொருட்டு விசேடமாக செபிக்கப்படும் என்பதனையும் அறியத்தருகின்றோம். [2017-08-05 21:42:50]


விண்ணேற்ப்பு பெருவிழா காண ஆயத்தமாகும் புளியந்தீவு அன்னை மரியாள் பேராலயம் .

இறை மக்களை அன்னையின் ஆசீர் பெற அன்புடன் அழைக்கின்றோம்!! [2017-08-05 21:41:32]


பாராட்டி வாழ்த்துகின்றோம்.

மன்னார் மறைமாவட்டக் குருவும் முத்தரிப்புத்துறை தூய செங்கோல் அன்னையின் மைந்தனுமாகிய வண பிதா அருளப்பு கிறிஸ்ரி றூபன். பெர்னாண்டோ அடிகளார் இத்தாலியின் உரோமாபுரியிலுள்ள ஊர்பானியானா பாப்பிறை பல்கலைக்கழகத்தில் கடந்த 4வருடங்களாக திருவிவிலிய இறையியலில் தனது உயர்கல்வியை கற்று தான் கற்ற பல்கலைக்கழகத்தில் அனைத்துப்பாடங்களிலும் சராசரியாக 29.17/30 =Summa cum Laude (97.23/100)பெறுபேற்றினை பெற்று தான் கற்ற திருவிவிலிய இறையியல் துறையில் பல்கலைக்கழகத்தில் முதல் நிலை மாணவனாக தெரிவு செய்யப்பட்டுள்ளார் என்பதனை மகிழ்ச்சியுடன் அறியத்தருகின்றோம். அருட்தந்தை அவர்களின் பணிவாழ்விற்கும், கல்வி பெறுபேற்றுக்கும் காரணமாகவும் உதவியாகவும் இருந்த இறைவனின் அளவில்லா அருட்கொடைகளுக்கு நன்றி செலுத்துவதுடன் அவரை மேற்படிப்பிற்காக தெரிவு செய்து அனைத்துதவிகளையும் வழங்கி ஆக்கமும், ஊக்கமும் அளித்த எமது முன்னாள் மறைமாவட்ட ஆயர் மேதகு கலாநிதி இராயப்பு யோசேப்பு ஆண்டகை அவர்களுக்கும் , தற்போதைய மன்னார் மறைமாவட்ட அப்போஸ்தலிக்க பரிபாலகர் ஆயர் மேதகு கலாநிதி கிங்சிலி சுவாம்பிள்ளை ஆண்டகை அவர்களுக்கும் மற்றும் குருமுதல்வர் அவர்களுக்கும் ஏனைய குருக்களுக்கும் முத்தரிப்புத்துறை பங்கு மக்கள் சார்பான நன்றிகளையும், வாழ்த்துக்களையும் செபக்களையும் தெரிவித்து நிற்கின்றார்கள். இதேவேளை திருவிவிலிய இறையியல் உயர் கல்வியில் வண பிதா றூபன் அடிகளார் முதல்நிலை மாணவனாக தெரிவு செய்யப்பட்டுள்ளதை இட்டு மன்னார் மறைமாவட்டம் சார்பான நன்றிகளையும் பாராட்டுக்களையும், இறையாசீரையும் தெரிவித்து நிற்பதோடு அருட்தந்தை அவர்கள் இதே போன்று பல வெற்றிகளை அடைந்து இறைவனின் பணியை முனைப்புடன் எடுத்து செல்ல இறைவன் துணைபுரிய ஆசீப்பதுடன் அவரை பாராட்டி வாழ்த்துகின்றோம். [2017-07-20 23:38:11]


வங்காலை புனித சுவக்கீன் அன்னமாள் ஆலய திருவிழாவிற்கான நவநாட்கள் ஆரம்பம்.

வங்காலை புனித சுவக்கீன் அன்னமாள் ஆலய திருவிழாவிற்கான நவநாட்கள் 17.07.2017 திங்கட்கிழமை தொடக்கம் 26.07.2017 புதன் கிழமை வரை இடம் பெற உள்ளதாக வங்காலை புனித ஆனாள் ஆலயத்தின் பங்குதந்தை வண பிதா ஜெயபாலன் அடிகளார் தெரிவித்துள்ளார். 17.07.2017 திங்கட்கிழமை அன்று மாலை 5:30மணிக்கு புனித ஆனாள் ஆலய கொடி ஏற்றப்பட்டு அதனை தொடர்ந்து திருச்செபமாலையும், திருப்பலியும் ஒப்புக்கொடுக்கப்படும். தொடர்ந்து நவநாட்கள் மாலையில் சரியாக 5:30மணிக்கு திருச்செபமாலையுடன் ஆரம்பமாகும் என்பதனையும் ஒவ்வொரு நாளும் திருப்பலிக்கான கருபொருட்களை மையப்படுத்தி மறையுரைகள் வழங்கப்படும் என்பதனையும் தெரிவித்தார். இதே வேளை 25.07.2017 செவ்வாய்கிழமை வேஸ்பர் ஆராதனையும், இறுதியிலஸ நற்கருனை பவனியும் இடம்பெறவுள்ளது. "நற்கருணை எம் வாழ் பலி" என்னும் கருப்பொருளில் வங்காலை கத்தோலிக்க இளைஞர் ஒன்றியத்தினரால் சிறப்பிக்கப்படும் என்பதனையும் தெரிவித்துள்ளார். திருவிழா திருப்பலி 26.07.2917 காலை 6:00மணிக்கு மன்னார் மறைமாவட்ட அப்போஸ்தலிக்க பரிபாலகர் மேதகு கின்சிலி சுவாம்பிள்ளை தலமையில் குருக்கள் இனைந்து கூட்டுத்திருப்பலியாக ஒப்புக்கொடுக்கப்படும் என்பதனையும், திருவிழா திருப்பலி முடிவுற்றதும் புனித ஆனாள் அன்னையின் திருச்சுருபம் தேர்பவனியாக வலம் வந்து இறைமக்களுக்கு இறையாசீர் வழங்கப்படும் என்பதனையும் அறியத்தருகின்றார்கள். எனவே பங்கு மக்கள், அயல் பங்கு மக்கள், ஆனாள் அன்னையின் இறைபக்தர்கள் அனைவரையும் ஆனாள் அன்னையின் இறையாசீர் பெற்றிட வங்காலை பங்குதந்தை, ஆலய மேய்ப்பு பணி சபையினர், பங்கு மக்கள் அழைத்து நிற்கின்றார்கள். [2017-07-17 20:30:11]


விசுவாசத்திற்காக தங்கள் இன்னுயிர்களை விசுவாச வித்தாக விதைத்திட்ட வேதசாட்சி

விசுவாசத்திற்காக தங்கள் இன்னுயிர்களை விசுவாச வித்தாக விதைத்திட்ட வேதசாட்சிகளை நினைவுகூர்ந்து வருடா வருடம் வேதசாட்சிகள் சமுக நல அமைப்பு முன்னெடுக்கும் திருவிழா இன்றைய தினம் நடைபெற்றது. இவ் விழா திருப்பலி அப்போஸ்தலிக்க பரிபாலகர் அதி வந்தனைக்குரிய ஆயர் கின்சிலி சுவாம்பிள்ளை அவர்களின் தலைமையில் கூட்டுத்திருப்பலி நடைபெற்றது. இவ் திருவிழாவுக்கு பங்குத்தந்தை இ.செபமாலை தலைமை தாங்கினார் அமைப்பின் தலைவர் அமிர்தம் வரவேற்புரையாற்றினார் இந்தியாவில் காரங்காட்டில் இருக்கும் வேதசாட்சிகள் சமுகத்தை சேர்ந்த அருட்தந்தையர்கள் கலந்து சிறப்பித்ததோடு வேதசாட்சி சமுக நல அமைப்பினால் முன்னெடுக்கப்படும் செயற்திட்டத்தில் ஒரு அங்கமாக அருட்தந்தையர்கள் அருட்சகோதரிகள் விளையாட்டில் திறன் பெற்றவர்கள் கல்வியில் தேர்ச்சி பெற்றவர்கள் கலைத்துறையில் சிறப்பானவர்களுக்கு பரிசுகளும் நினைவுச்சின்னங்களும் வழங்கப்பட்டது. இவ்விழாவின் போது பாராளுமன்ற உறுப்பினர் செல்வம் அடைக்கல நாதன் பாராளுமன்ற உறுப்பினர் சாள்ஸ் நிர்மலநாதன் மற்றும் வடமாகாண சபை உறுப்பினர் குணசீலன் ஆகியோரும் வாழ்வுதயம் கறிற்றாஸ் இயக்குனர் அருட்பணி ஜெயபாலன் அடிகளாரும் ஆயர் அவர்களின் செயலாளர் அருட்பணி நீக்கிலாஸ் அடிகளாரும் கலந்துகொன்டனர். இதன்போது மறைசாட்சிகள் என்ற கையெடு அமைப்பின் ஆய்வாளர் திரு அந்தோனி பிச்சை அவர்களினால் வெளியிடப்பட்டது பி்ன்னர் மேலும் மறைசாட்சிகள் வரலாறு தொடர்பான விளக்கப்படங்கள் ஆயர் அவர்களால் திரைநீக்கம் செய்து வைக்கப்பட்டது இதன்போது குறிப்பாக எமது சமூகத்தை சேர்ந்த கவிஞர் மன்னார் பெனில் கலைச்சுடர் மற்றும அரங்கச்செல்வி என்ற விருதுகளை பெற்ற நாடக ஆசிரியர் வசந்தி சுவான்தற்குருஸ க்கும் உலக கிண்ண ரோல் போல் விளையாட்டில் இலங்கை அணிசார்பாக கலந்து கொண்ட எம் சமூகத்தை சேர்ந்த யோன்சன் திவ்யா என்பவருக்கும் பாராட்டி கௌரவிக்கப்பட்டு நினைவு சின்னம் வழங்கப்பட்டது [2017-07-17 20:28:49]


பெரியகல்லாறு புனித அருளானந்தர் ஆலய பங்கு வருடாந்த திருவிழா

பெரியகல்லாறு புனித அருளானந்தர் ஆலய பங்கு வருடாந்த திருவிழாவானது 07.07.2017 அன்று கொடியேற்றத்துடன் ஆரம்பமாகி 16.07.2017 அன்று இடம் பெற்ற திருவிழா கூட்டுத்திருப்பலியுடன் நிறைவுபெற்றது. திருவிழா கூட்டுத்திருப்பலியானது எமது மறைமாவட்ட ஆயர் அதிவந்தனைக்குரிய மேதகு யோசப் பொன்னையா ஆண்டகை தலைமையில் உதவி பங்குத்தந்தை அருட்பணி. ஜெரிஸ்டன் வின்சன்ட் மற்றும் அருட்பணி. அன்ரனி டி லிமா அடிகளார்களுடன் இணைந்து ஒப்புக்கொடுக்கப்பட்டது. திருவிழா திருப்பலியின் போது ஆயர் அவர்களினால் முதல்நன்மை - உறுதிப்பூசுதல் அருட்சாதனம் பிள்ளைகளுக்கு வழங்கப்பட்டது. [2017-07-16 21:40:57]


பெரிய கட்டு தூய அந்தோனியார் ஆலய திருவிழாவிற்கான முன்னேற்பாடுகள்

மன்னார் மறைமாவட்டத்தின் புனித ஸ்தலங்களில் ஒன்றான பெரிய கட்டு தூய அந்தோனியார் ஆலய திருவிழாவிற்கான முன்னேற்பாடுகள் குறித்து ஆராயும் விசேட கலந்துரையாடல் நேற்று(14) இடம்பெற்றது. உதவி பிரதேசச் செயலாளர் கே.முகுந்தன் தலைமையில் வெண்கல செட்டிக்குளம் பிரதேசச் செயலகத்தில் குறித்த கலந்துரையாடல் இடம்பெற்றது. எதிர்வரும் 28ம் திகதி வெள்ளிக்கிழமை கொடியேற்றத்துடன் ஆரம்பமாகவுள்ள திருவிழா ஆகஸ்ட் மாதம் 6ம் திகதி திருவிழா திருப்பலியுடன் நிறைவடையவுள்ளது. குறித்த திருவிழாவிற்கு வரும் பக்கர்களின் நலனை கருத்தில் கொண்டு ஆலயப் பகுதியில் மேற்கொள்ளப்படவுள்ள வேலைத்திட்டங்கள் குறித்து இந்த கலந்துரையாடலின்போது ஆராயப்பட்டுள்ளது. மேலும் குடிநீர், சுகாதாரம், பாதுகாப்பு, போக்குவரத்து உள்ளிட்ட அவசர தேவைகள் குறித்து விரிவாக ஆராயப்பட்டுள்ளது. இதேவேளை குறித்த கலந்துரையாடலின்போது மன்னார் மறைமாவட்ட குரு முதல்வர் அன்ரனி விக்டர் சோசை, செட்டிக்குளம் பங்குத்தந்தை ஜெயபாலன் குரூஸ், வெண்கள பிரதேசச் செயலக அதிகாரிகள், திணைக்களத் தலைவர்கள், பொலிஸ் அதிகாரிகள், உட்பட பலர் கலந்து கொண்டிருந்தமை குறிப்பிடத்தக்கது. [2017-07-16 21:38:56]


தூய வியாகுல அன்னை ஆலய அபிசேக விழா

மன்னார் மறைமாவட்டத்தின் அடம்பன் பங்கில் புதிதாக வடிவமைக்கப்பட்ட தூய வியாகுல அன்னையின் ஆலயம் 09.07.2017 ஞாயிற்றுக்கிழமை மாலை 4:30மணிக்கு மன்னார் மறைமாவட்ட அப்போஸ்தலிக்க பரிபாலகர் பேரருட்திரு ஜோசப் கின்சிலி சுவாம்பிள்ளை ஆண்டகை தலமையில் குருக்கள் இனைந்து ஆலயம் அபிசேகம் பண்ணி திறக்கப்பட்டு கூட்டுத்திருப்பலிதாக ஒப்புக்கொடுக்கப்படவுள்ளது. யுத்தகாலத்தில் இவ்வாலயம் மிகவும் பாதிக்கப்பட்டிருந்த நிலையில் தற்போது மீண்டும் அழகிய தோற்றத்தில் வடிவமைக்கப்பட்டுள்ளமை இறைமக்கள் மத்தியில் மிகவும் ஆன்மிக தாகத்தை வெளிக்கொண்டுவந்துள்ளது. எனவே வியாகுல அன்னையின் ஆலய அபிசேக நிகழ்விற்கு பங்கு மக்கள், அயல் பங்கு மக்கள், இன்னுமாக முடியுமானவர்கள் கலந்து கொண்டு அன்னையின் ஆசீரை பெற்றுச்செல்ல பங்குதந்தை, ஆலத மேய்ப்புபணி சபையினர், பங்கு மக்கள் அனைவரும் இனைந்து அழைத்து நிற்கின்றார்கள். [2017-07-06 23:16:43]


பக்க இலக்கங்களை அழுத்தி எல்லா செய்திகளையும் பார்வையிடவும்