வழியும் உண்மையும் வாழ்வும் நானே. என் வழியாய் அன்றி எவரும் தந்தையிடம் வருவதில்லை.
(யோவான் 14:6)



பக்க இலக்கங்களை அழுத்தி எல்லா செய்திகளையும் பார்வையிடவும்


இலங்கை கத்தோலிக்க ஆயர் பேரவையின் ஆசீருடன்...

இலங்கை கத்தோலிக்க ஆயர் பேரவையின் ஆசீருடன், இலங்கை கத்தோலிக்க திருச்சபையின் அனைத்து பொதுநிலையினர் அப்போஸ்தலிக்க பணிக்குழுக்களுடன் இணைந்து கத்தோலிக்க தேசிய பொதுநிலையினர் ஆணைக்குழுவின் தலைமையில் எதிர்வரும் 2017ம் ஆண்டு நவம்பர் மாதம் 4ம் திகதி சனிக்கிழமை வஹாக்கோட்டை புனித அந்தோனியார் தேசிய திருத்தலத்தில் தேசிய புனித யோசேவாஸ் தினமானது ஏற்பாடு செய்யப்பட்டுள்ளது [2017-10-17 22:51:35]


இலங்கையின் மன்னார் மறைமாவட்டத்தில் இருந்து வெளிவரும் “மன்னா“ பத்திாிகை

இலங்கையின் மன்னார் மறைமாவட்டத்தில் இருந்து வெளிவரும் “மன்னா“ பத்திாிகைப் பணியைப் பாராட்டி ”ஊடகத்துறைக்கான தேசிய மட்ட வாழ்நாள் சாதனையாளா் விருது” மன்னா பத்திரிகையின் ஆசிரியர் அருட்பணி. தமிழ் நேசன் அடிகளாருக்கு வழங்கப்பட்டது. கடந்த ஞாயிற்றுக்கிழமை (15.10.2017) பி.ப. 2.00 மணியளவில் யாழ்ப்பாணம் இந்துக் கல்லூாியில் இடம்பெற்ற சிறப்பு நிகழ்வின்போதே இவ்விருது வழங்கப்பட்டது. இலங்கை அரசின் கல்வி அமைச்சினால் வழங்கப்பட்ட இவ்விருதை கல்வி இராஜாங்க அமைச்சா் திரு. இராதாகிருஸ்ணன் அவா்கள் வழங்கிவைத்தாா். ”அருட்திரு. தமிழ் நேசன் அடிகளாா் ஊடகத்துறைக்கு ஆற்றிய மேன்மையான பணிகளையும், வழங்கிய முதன்மையான பங்களிப்பையும் பாராட்டும் வகையில் வழங்கப்படும் வாழ்நாள் சாதனையாளா் விருது” என விருதுக் கேடயத்தில் குறிப்பிடப்பட்டுள்ளது. கடந்த 15 வருடங்களாக தொடா்ச்சியாக மன்னா பத்திாிகை வெளிவருகின்றது. 7000 (ஏழாயிரம்) பத்திாிகைகள் மாதாந்தம் அச்சிடப்படுகின்றன. இப்பத்திாிகை மன்னாா் மறைமாவட்டத்திலும், இலங்கையின் ஏனைய மறைமாவட்டங்களிலும், வெளிநாடுகளிலும் விநியோகிக்கப்படுகின்றமை குறிப்பிடத்தக்கது. [2017-10-17 22:50:53]


திருகோணமலை மறைமாவட்ட பாலையூற்று லூார்த்து அன்னை

திருகோணமலை மறைமாவட்ட பாலையூற்று லூார்த்து அன்னை திருத்தலத்தில் புனித விண்சன் டி பவுல் சபையின் பொண் விழா ஆண்டு சிறப்பு திருப்பலி நிகழ்வுகள் மறை மாவட்ட ஆயர் அதி வணக்கத்திற்குரிய கலாநிதி கிறிஸ்டியன் நோயல் இம்மானுவேல் ஆண்டகை தலைமையில் 15/10/2017 இன்று இடம்பெற்றது [2017-10-16 12:37:54]


மன்னார் மடுமாதா சிறிய குருமடத்தின் 28வது ஆண்டு நிறைவு விழா.

மன்னார் மடுமாதா சிறிய குருமடத்தின் 28வது ஆண்டு நிறைவு விழா. மன்னார் மறைமாவட்டத்தின் அழைத்தலின் விளை நிலமாக திகழும் மன்னார் மடுமாதா சிறிய குருமடத்தின் 28வது ஆண்டு நிறைவு விழா இன்று 14.10.2017 சனிக்கிழமை கொண்டாடப்பட்டது. இந்த நிகழ்வானது மடுமாதா சிறிய குருமட அதிபர் வண பிதா ஞானப்பிரகாசம் அடிகளாரின் வழிகாட்டலுடன் மன்னார் மறைமாவட்ட குருமுதல்வர் வண பிதா விக்டர்.சோசை அடிகளாரின் தலமையில் குருக்கள் இனைந்து கூட்டுத்திருப்பலியாக ஒப்புக்கொடுக்கப்பட்டு இறையாசீர் வழங்கப்பட்டது. இந்த 28வது ஆண்டின் சிறப்பு திருப்பலியிலே குருக்கள், கன்னியர்கள், அருட்சகோதரர்கள், இறைமக்கள், கத்தோலிக்க ஒன்றியத்தின் பிரதிநிதிகள், பாராளுமன்ற உறுப்பினர், பிரதேச செயலாளர், கல்விமான்கள், சிறிய குருமடத்தின் பழைய மாணவர்கள் என பலரும் கலந்து கொண்டு சிறப்பித்தார்கள். திருப்பலி நிறைவில் 2017ம் ஆண்டில் முன்னெடுக்கப்பட்ட செயற்பாடுகள், நிகழ்வுகள், பற்றிய தொகுப்பு அங்கு பிரசன்னமாக இருந்த இறைமக்களுக்கு வாசித்து காட்டப்பட்டது. இதே வேளை இந்த நிகழ்விற்கு வருகை தந்து திருப்பலியை தலமைதாங்கி ஒப்புக்கொடுத்த மன்னார் மறைமாவட்ட குருமுதல்வர் மற்றும் குருக்கள், அருட்சகோதரர்கள், கன்னியர்கள் , அரச அதிகாரிகள், பழைய மாணவர்கள், இறைமக்கள் அனைவருக்கும் விசேட நன்றிகளையும் ,பாராட்டுக்களையும், வாழ்த்துக்களையும் ,சிறிய குருமட அதிபர் வண பிதா ஞானப்பிரகாசம் அடிகளார் தெரிவித்து நிற்கின்றார். தொடர்ந்தும் பங்குதந்தையர்கள், பெற்றோர்கள் மாணவர்கள் மட்டில் அக்கறையெடுத்து தொடர்ச்சியாக அழைத்தல் பணிவாழ்விற்கு அனுப்பிவைக்குமாறும் வேண்டுகோள் விடுத்து நிற்கின்றார். [2017-10-16 12:37:06]


புனித ஜோசப் வாஸ் நினைவுத்தூபி நிர்மாணம்

புனித ஜோசப் வாஸ் நினைவுத்தூபி நிர்மாணம் 1710ல் தூய ஜோசப்வாஸ் அடிகளார் மட்டக்களப்பு தாண்டவன்வெளிக்கு வருகைதந்தபோது கைது செய்யப்பட்டு வம்மி மரத்தில் கட்டி அடிக்கப்பட்டதாக பாரம்பரிய வரலாறு தெரிவிக்கும் புனித இடத்தில் அமைக்கப்பட்ட நினைவுத்தூபியானது 06.10.2017 அன்று அருட்தந்தை.ஜி.அலக்ஸ் றொபட் அடிகளாரால் திறந்து வைக்கப்பட்டது [2017-10-07 21:50:53]


அருட் சகோதரர் றெவ்வாயேல் ரொட்ரிகோ அவர்கள் இறை பதம் அடைந்தார்

புனித செபஸ்தியார் கல்லூரி மொரட்டுவ , டீ மஸ்னட் கல்லூரி , புனித பெனடிக்ட் கல்லூரி ஆகியவற்றின் முன்னாள் அதிபரும் புனித டிலாசால் சபையைச் சார்ந்தவருமான அருட் சகோதரர் றெவ்வாயேல் ரொட்ரிகோ அவர்கள் 05 / 10 / 2017 அன்று காலமானார். அன்னாரின் பூதவுடல் கொழும்பு புனித டிலாசால் வீதியில் அமைந்துள்ள புனித சூசையப்பர் சிற்றாலயத்தில் பார்வைக்காக வைக்கப்பட்டுள்ளது. அன்னாரின் நல்லடக்கம் 07 / 10 / 2017 அன்று பி.ப 3 .00 மணியளவில் திருப்பலியிடன் மாதம்பிற்றிய சேமக்காலையில் நடைபெறும். அருட் சகோதரரின் பிரிவால் துயருறும் சகோதரின் குடும்பத்தினர், டிலாசால் சகோதரர்கள், நண்பர்கள் அனைவருக்கும் எமது ஆழ்ந்த அனுதாபங்களை தெரிவிப்பதோடு, அருட் சகோதரரின் ஆன்ம இளைப்பாற்றி வேண்டி செபிக்கின்றோம். தமிழ் கத்தோலிக்க ஆன்மீகப்பணியகம் யேர்மனி [2017-10-05 23:22:30]


கத்தோலிக்க திருச்சபையின் குருணாகல் மறைமாவட்ட ஆயர் மேதகு ஆயர் கலாநிதி றேமன்.பீரிஸ் ஆண்டகை இன்று காலமானார்.

மேதகு ஆயர் அவர்களின் பிரிவால் துயர் கொள்ளும் சகோதர ஆயர்கள், குருக்கள், அருட்சகோதரர்கள், அருட்சகோதரிகள், மறைமாவட்ட இறைமக்கள் அனைவருக்கும் ஆழ்ந்த அனுதாபாங்களை தெரிவித்து நிற்கிறோம். மேதகு ஆயர் அவர்கள் கத்தோலிக்க திருச்சபைக்கும், இறைமக்களுக்கும் ஆற்றிய பணிக்காக கடவுளுக்கு நன்றிகளை தெரிவித்து நிற்கின்றோம். ஆயர் ஆண்டகை அவர்கள் இன மத மொழிக்கு அப்பால் சகல மக்களையும் நேசித்து வாழ்ந்து வந்ததோடு மட்டுமல்லாது மக்களின் உரிமைக்காகவும் பாடுப்பட்டார். ஆயர் ஆண்டகை அவர்களின் பணிகளை நினைவு கூர்ந்து நன்றி கூறும் இவ்வேளையில் தாயின் வயிற்றில் கருத்தரிக்கும் முன்னமே ஆண்டவர் இவரை தனது திராட்சை தோட்டத்தில் பணிக்காக அழைத்து இன்று எம்மை விட்டு ஆண்டவரின் இல்லத்திற்கு எடுத்துக்கொள்ளப்பட்டார். மேதகு ஆயர் அவர்களின் இறுதி பிரியாவிடை இரக்கல் திருப்பலி 2.09.2017திங்கட்கிழமை மாலை 3மணிக்கு இடம் பெறும் என்பதனை குருணாகல் மறைமாவட்ட குருமுதல்வர் வண பிதா அகஸ்ரின் அடிகளார் தெரிவித்துள்ளார். [2017-10-01 23:04:16]


இலங்கை சல்வதோரிய சபைக்கு இன்னுமொரு புதிய குரு

இன்று இலங்கை வாழ் சல்வதோரிய சபையினருக்கு ஒரு உன்னதமான நாள். எல்லாம் வல்ல இறைவன் அருளால், இறை மீட்பர் சபையைச் சேர்ந்த திருத்தொண்டர். ஜோக்கின் அன்ரனி நிர்மல் சுரஞ்சன் இமீச அவர்கள் யாழ் மறைமாவட்ட ஆயர் அதி வணக்கத்துக்குரிய ஜஸ்ரின் பேனாட் ஞானப்பிரகாசம் ஆண்டகை அவர்களால் 2017 ம் ஆண்டு 16ம் திகதி புரட்டாதி மாதம் சனிக்கிழமை காலை 9 : 30 மணியளவில் சிலாபம் தூய கார்மேல் மரியன்னை பேராலயத்தில் குருத்துவ அருட்பொழிவு செய்யப்பட்டுள்ளார். புதிய குருவுக்கு எமது இதயம் கனிந்த வாழ்த்துக்கள். அருட் தந்தையின் பணி சிறக்கவும், இறைவனின் ஆசீர் இவரோடு என்றும் இருக்கவும் இவருக்காக செபிப்பதோடு, எமது இதயம் கனிந்த வாழ்த்துகளையும் தெரிவித்து கொள்கின்றோம். இவர் தனது முதல் நன்றித்திருப்பலியை மாம்புரி தூய செபமாலை மாதா புனித ஆலயத்தில் 17 / 09 / 2017 ஞாயிற்றுக்கிழமை காலை 8 :00 மணிக்கு ஒப்புக்கொடுப்பார். [2017-09-17 14:58:41]


அருட்பணி. ஜோண் லூர்து டானியல் சே.ச அடிகள் இறைபதம் அடைந்தார்

அருட்பணி. ஜோண் லூர்து டானியல் சே.ச அடிகள், (83/62) 11 ஆம் திகதி (திங்கட்கிழமை) செப்டம்பர் மாதம் 2017 காலை 8.00 மணியளவில் கண்டியில் காலமானார். செப்டம்பர் 13 ம் திகதி பிற்பகல் 3.00 மணிக்கு திருப்பலி ஒப்புக் கொடுக்கப்பட்ட பின்பு ஜேசுயூட் கல்லறையில், லெவெல்ல, கண்டியில் அடக்கம் செய்யப்படும். அடிகளாரின் ஆன்ம இளைப்பாற்றி வேண்டி செபிக்கின்றோம் தமிழ் கத்தோலிக்க ஆன்மீகப்பணியகம் யேர்மனி [2017-09-13 14:06:39]


அடம்பன் புனித வியாகுல மாதா ஆலய திருவிழா......

அடம்பன் புனித வியாகுல மாதா ஆலய திருவிழா எதிர்வரும் 15.09.2017 வெள்ளிக்கிழமை இடம்பெறவுள்ளதாக அடம்பன் பங்குதந்தை அறியதந்துள்ளார். 14.09.2017 வியாழக்கிழமை மாலை நற்கருணை வழிபாடு இடம் பெற்று 15.09.2017 வெள்ளிக்கிழமை காலை 7 மணிக்கு கூட்டுதிருப்பலியாக ஒப்புக்கொடுக்கப்படும். திருவிழா திருப்பலி முடிவில் அன்னையின் திருச்சுருப பவனியும் அதனை தொடர்ந்து அன்னையின் சிறப்பு ஆசீரும் வழங்கப்படவுள்ளது. எனவே அன்னையின் பக்தர்கள், அயல் பங்கு மக்கள், கத்தோலிக்க இறைமக்கள் அனைவரையும் அன்னையின் சிறப்பாசீர் பெற்றுச் செல்ல அடம்பன் பங்குதந்தையுடன் இனைந்து அடம்பன் பங்கு மக்களும் அழைத்து நிற்கின்றார்கள். [2017-09-13 13:30:14]



பக்க இலக்கங்களை அழுத்தி எல்லா செய்திகளையும் பார்வையிடவும்