வழியும் உண்மையும் வாழ்வும் நானே. என் வழியாய் அன்றி எவரும் தந்தையிடம் வருவதில்லை.
(யோவான் 14:6)



பக்க இலக்கங்களை அழுத்தி எல்லா செய்திகளையும் பார்வையிடவும்



ஆயுதங்கள் பெருகி வருவது, பெரும் அச்சுறுத்தலாக உள்ளது

மக்களைப் பெருமளவு அழிக்கும் வல்லமை பெற்ற ஆயுதங்கள் பெருகி வருவது, அகில உலக அரசுகளின் ஆளுமைத் திறனுக்கும், மக்களின் பாதுகாப்பிற்கும் பெரும் அச்சுறுத்தலாக உள்ளது என்று, திருப்பீட உயர் அதிகாரி ஒருவர், ஐ.நா. அவையில் உரையாற்றினார். நியூ யார்க் நகரில், ஐ.நா. தலைமையகத்தில் நடைபெறும் கூட்டங்களில், திருப்பீடத்தின் பிரதிநிதியாகப் பங்கேற்கும் பேராயர் பெர்னார்த்தித்தோ அவுசா அவர்கள், ஐ.நா. பாதுகாப்பு அவையின் கூட்டமொன்றில் இப்புதனன்று உரையாற்றுகையில், இவ்வாறு கூறினார். "'இனி ஒருபோதும் வேண்டாம்' என்று பொதுவில் பறைசாற்றிக்கொண்டு, அதே நேரம், ஆயுத உற்பத்தியையும் பெருக்கிக் கொண்டிருக்கிறோம்" என்று, திருத்தந்தை பிரான்சிஸ் அவர்கள் கூறியச் சொற்களை தன் உரையில் சுட்டிக்காட்டிய பேராயர் அவுசா அவர்கள், கடந்த ஆண்டு ஐ.நா. அவையில் ஒருமனதாக எடுக்கப்பட்ட ஒரு தீர்மானம் இன்றும் முழுமையாக பின்பற்றப்படவில்லை என்பதை எடுத்துரைத்தார். ஆயுதங்களுக்கு கணக்கற்ற தொகை செலவிடப்படுவதன் காரணமாக, மக்களின் முன்னேற்றம் பெருமளவு தடைபடுகின்றது என்பதைக் குறிப்பிட்டு கவலை வெளியிட்ட பேராயர் அவுசா அவர்கள், மக்களின் முன்னேற்றமும், உலக அமைதியும் ஒன்றோடொன்று பின்னிப் பிணைந்தது என்பதையும் சுட்டிக்காட்டினார். நாடுகளிடையே நிலவும் கருத்து வேறுபாடுகளைத் தீர்க்க ஆயுதங்களை நம்புவதை விடுத்து, பேச்சு வார்த்தைகளை நம்புவதற்கு, அனைத்து அரசுகளும் முயற்சிகள் எடுக்கவேண்டும் என்று, பேராயர் அவுசா அவர்கள் வேண்டுகோள் விடுத்தார். (ஆதாரம் : வத்திக்கான் வானொலி) [2017-07-01 01:09:03]


பாசமுள்ள பார்வையில்: மகனுக்காக பொறுமையுடன் செபிக்கும் தாய்

வட ஆப்ரிக்காவின் தற்போதைய அல்ஜீரிய நாட்டில், தகாஸ்தே (Tagaste) எனும் ஊரில் கி.பி.331ம் ஆண்டில் பிறந்தவர் மோனிக்கா. அந்நிய தெய்வங்களை வணங்கிவந்த பத்ரீசியுஸ் என்பவருக்கு, இருபதாவது வயதில், இவர் மணமுடித்துக் கொடுக்கப்பட்டார். கடுங்கோபக்காரரான கணவரையும், கொடுமையான மாமியாரையும் சமாளிக்க வேண்டிய சூழல் மோனிக்காவுக்கு. ஏழைகளுக்கு உதவுவது, செபிப்பது போன்ற இவரின் செயல்கள், இவரது கணவருக்கு எரிச்சலூட்டின. இத்தம்பதியருக்குப் பிறந்த குழந்தைகளில், இரு ஆண் மற்றும், ஒரு பெண் குழந்தைகள் உயிர் தப்பினர். மோனிக்காவின் பொறுமை நிறைந்த இடைவிடா செபம் மற்றும், நற்பண்புகளால், கி.பி. 370ம் ஆண்டில், இவரது கணவர் கிறிஸ்தவரானார். அதற்கு அடுத்த ஆண்டிலே கணவர் காலமானார். அப்போது மூத்த மகனான அகுஸ்தீனுக்கு வயது 17. கார்த்தேஜ் நகரில் பயின்ற அகுஸ்தீன், சோம்பேறியாக, ஊர் சுற்றியாக மற்றும், ஒழுக்கமற்றவராக வாழ்ந்து வந்தார். மணிக்கேய தப்பறைக் கொள்கையையும் இவர் ஏற்று வாழ்ந்தார். ஒரு கட்டத்தில், தாய் மோனிக்கா, அகுஸ்தீனை தனது வீட்டில் உண்ணவோ, உறங்கவோ அனுமதிக்கவில்லை. மோனிக்கா, ஆயர் ஒருவரிடம் அடிக்கடி சென்று, தன் மகனின் நிலைக்காகக் கண்ணீர் சிந்தினார். ஒருசமயம், ஆயர் பொறுமை இழந்தவர்போல் காணப்பட்டாலும், இவ்வாறு சொன்னார். இவ்வளவு கண்ணீர் சிந்தும் ஒரு தாயின் மகன் அழிவுறவே முடியாது என்று. இந்நிலையில், ஒருநாள் மோனிக்கா, மகன் அகுஸ்தீன் விசுவாச வாழ்வை ஏற்பதாகக் கனவு கண்டார். அந்நாளிலிருந்து மகனுக்காக நோன்பிருந்து செபித்தார் தாய். மகன் விரும்பியதைவிட, அவர் மீது அதிக அன்பு செலுத்தினார். அகுஸ்தீனுக்கு 29 வயது நடந்தபோது, அவர் உரோம் நகர் சென்று, போதிக்கத் தீர்மானித்தார். அதை விரும்பாத, தாய் மோனிக்காவும், மகனுடன் செல்லத் தீர்மானித்தார். ஒருநாள், அகுஸ்தீன், தாயிடம், கப்பல் பழுதுபார்க்குமிடத்தில் தன் நண்பரிடம் சென்று பிரியாவிடை சொல்லச் செல்வதாகப் பொய் சொல்லிவிட்டு உரோமைக்குச் சென்றார், இதனால் மிகவும் வேதனையடைந்தாலும், மகனைப் பின்தொடர்ந்தார் தாய் மோனிக்கா. உரோம் சென்றடைந்தபோது அகுஸ்தீன் மிலான் சென்றுவிட்டதை அறிந்தார் மோனிக்கா. அக்காலத்தில் பயணம் கடினமாக இருந்தாலும், மோனிக்காவும் மிலான் சென்றார். அங்கே புனித ஆயர் அம்புரோசினால், புனித வாழ்வு வாழத் தொடங்கினார் அகுஸ்தீன். மகனுக்காக, பல ஆண்டுகள் இடைவிடாமல் மன்றாடிய தாய் மோனிக்காவின் செபத்திற்குப் பலனும் கிடைத்தது. (ஆதாரம் : வத்திக்கான் வானொலி) [2017-06-30 01:20:32]


பாசமுள்ள பார்வையில்: மகனுக்காக பொறுமையுடன் செபிக்கும் தாய்

வட ஆப்ரிக்காவின் தற்போதைய அல்ஜீரிய நாட்டில், தகாஸ்தே (Tagaste) எனும் ஊரில் கி.பி.331ம் ஆண்டில் பிறந்தவர் மோனிக்கா. அந்நிய தெய்வங்களை வணங்கிவந்த பத்ரீசியுஸ் என்பவருக்கு, இருபதாவது வயதில், இவர் மணமுடித்துக் கொடுக்கப்பட்டார். கடுங்கோபக்காரரான கணவரையும், கொடுமையான மாமியாரையும் சமாளிக்க வேண்டிய சூழல் மோனிக்காவுக்கு. ஏழைகளுக்கு உதவுவது, செபிப்பது போன்ற இவரின் செயல்கள், இவரது கணவருக்கு எரிச்சலூட்டின. இத்தம்பதியருக்குப் பிறந்த குழந்தைகளில், இரு ஆண் மற்றும், ஒரு பெண் குழந்தைகள் உயிர் தப்பினர். மோனிக்காவின் பொறுமை நிறைந்த இடைவிடா செபம் மற்றும், நற்பண்புகளால், கி.பி. 370ம் ஆண்டில், இவரது கணவர் கிறிஸ்தவரானார். அதற்கு அடுத்த ஆண்டிலே கணவர் காலமானார். அப்போது மூத்த மகனான அகுஸ்தீனுக்கு வயது 17. கார்த்தேஜ் நகரில் பயின்ற அகுஸ்தீன், சோம்பேறியாக, ஊர் சுற்றியாக மற்றும், ஒழுக்கமற்றவராக வாழ்ந்து வந்தார். மணிக்கேய தப்பறைக் கொள்கையையும் இவர் ஏற்று வாழ்ந்தார். ஒரு கட்டத்தில், தாய் மோனிக்கா, அகுஸ்தீனை தனது வீட்டில் உண்ணவோ, உறங்கவோ அனுமதிக்கவில்லை. மோனிக்கா, ஆயர் ஒருவரிடம் அடிக்கடி சென்று, தன் மகனின் நிலைக்காகக் கண்ணீர் சிந்தினார். ஒருசமயம், ஆயர் பொறுமை இழந்தவர்போல் காணப்பட்டாலும், இவ்வாறு சொன்னார். இவ்வளவு கண்ணீர் சிந்தும் ஒரு தாயின் மகன் அழிவுறவே முடியாது என்று. இந்நிலையில், ஒருநாள் மோனிக்கா, மகன் அகுஸ்தீன் விசுவாச வாழ்வை ஏற்பதாகக் கனவு கண்டார். அந்நாளிலிருந்து மகனுக்காக நோன்பிருந்து செபித்தார் தாய். மகன் விரும்பியதைவிட, அவர் மீது அதிக அன்பு செலுத்தினார். அகுஸ்தீனுக்கு 29 வயது நடந்தபோது, அவர் உரோம் நகர் சென்று, போதிக்கத் தீர்மானித்தார். அதை விரும்பாத, தாய் மோனிக்காவும், மகனுடன் செல்லத் தீர்மானித்தார். ஒருநாள், அகுஸ்தீன், தாயிடம், கப்பல் பழுதுபார்க்குமிடத்தில் தன் நண்பரிடம் சென்று பிரியாவிடை சொல்லச் செல்வதாகப் பொய் சொல்லிவிட்டு உரோமைக்குச் சென்றார், இதனால் மிகவும் வேதனையடைந்தாலும், மகனைப் பின்தொடர்ந்தார் தாய் மோனிக்கா. உரோம் சென்றடைந்தபோது அகுஸ்தீன் மிலான் சென்றுவிட்டதை அறிந்தார் மோனிக்கா. அக்காலத்தில் பயணம் கடினமாக இருந்தாலும், மோனிக்காவும் மிலான் சென்றார். அங்கே புனித ஆயர் அம்புரோசினால், புனித வாழ்வு வாழத் தொடங்கினார் அகுஸ்தீன். மகனுக்காக, பல ஆண்டுகள் இடைவிடாமல் மன்றாடிய தாய் மோனிக்காவின் செபத்திற்குப் பலனும் கிடைத்தது. (ஆதாரம் : வத்திக்கான் வானொலி) [2017-06-30 01:18:57]


திருத்தந்தை : புனித பேதுருவும், பவுலும், திருஅவையின் தூண்கள்

தங்கள் இரத்தத்தைச் சிந்தி, விசுவாசத்திற்கு சான்று பகர்ந்ததால், திருத்தூதர்களான புனித பேதுரு, புனித பவுல் இருவரையும், திருஅவையின் தூண்களென திருஅவைத் தந்தையர் குறிப்பிட்டுள்ளனர் என்று திருத்தந்தை பிரான்சிஸ் அவர்கள் தன் மூவேளை செப உரையில் கூறினார். ஜூன் 29, இவ்வியாழனன்று கொண்டாடப்பட்ட புனிதர்கள் பேதுரு, பவுல் பெருவிழா திருப்பலியை, புனித பேதுரு வளாகத்தில் நிறைவேற்றியத் திருத்தந்தை, அத்திருப்பலியின் இறுதியில், வளாகத்தில் கூடியிருந்த ஆயிரக்கணக்கானோருக்கு வழங்கிய மூவேளை செப உரையில் இவ்வாறு கூறினார். தங்கள் பணி வாழ்வின் துவக்கத்திலேயே புனிதர்கள் பேதுரு, பவுல் இருவரையும் கொல்வதற்கு எடுக்கப்பட்ட முயற்சிகளிலிருந்து அவ்விருவரையும் இறைவன் காப்பாற்றி, நற்செய்தி பணியை அவர்கள் பெருமளவு நிறைவேற்றியபின்னர், மறைசாட்சிகளாக மரணமடையும் அருளை அவர்களுக்கு வழங்கினார் என்று திருத்தந்தை எடுத்துரைத்தார். இப்புதன் மாலையில் கர்தினால்களாக உயர்த்தப்பட்ட ஐந்து பேருக்கும், இவ்வியாழன் காலை திருப்பலியில் பாலியம் கழுத்துப்பட்டையைப் பெற்ற பேராயர்களுக்கும் மூவேளை செப உரையின் இறுதியில் சிறப்பான வாழ்த்துக்களைத் தெரிவித்த திருத்தந்தை பிரான்சிஸ் அவர்கள், இவ்விழாவில் கலந்துகொள்ள, கிறிஸ்தவ ஒன்றிப்பு முதுபெரும் தந்தை பார்த்தலோமேயு அவர்களின் பிரதிநிதிகளாக வத்திக்கானுக்கு வருகை தந்த அனைவருக்கும் நன்றி கூறினார். ஜூன் 29ம் தேதி, வத்திக்கானுக்கு மட்டுமல்லாமல் உரோம் நகர் முழுமைக்கும் ஒரு சிறப்பான திருநாள் என்பதால், உரோம் நகர் வாழும் அனைவருக்கும் திருத்தந்தை தன் தனிப்பட்ட வாழ்த்துக்களை வழங்கினார். மேலும், "நம் மீது இறைவனின் விடுவிக்கும் செயல்கள் வெளிப்படுவதற்கு சான்றுகளாக நாம் விளங்கும்படி, புனிதர்களான பேதுருவும் பவுலும் நமக்காக பரிந்து பேசுவார்களாக" என்ற சொற்களை, திருத்தந்தை பிரான்சிஸ் அவர்கள் தன் டுவிட்டர் செய்தியாக ஜூன் 29ம் தேதி வெளியிட்டார். (ஆதாரம் : வத்திக்கான் வானொலி) [2017-06-30 01:11:11]


பாசமுள்ள பார்வையில்.. தாயான தெய்வம், ஏழைத்தாய் வடிவில்

ஓர் இளைஞரின் அம்மா, மருத்துவமனை ஒன்றில், தீவிர சிகிச்சைப் பிரிவில் அனுமதிக்கப்பட்டிருந்தார். சில நாள்கள் சென்று, மருத்துவர்கள், அந்த இளைஞரிடம், அம்மாவின் நிலை கவலைக்கிடமாக உள்ளது, அவர் எந்த நேரத்திலும் இறக்கலாம் என்று கைவிரித்துவிட்டனர். அந்த இளைஞரும் மிகுந்த கவலையுடன் வீடு திரும்பினார். பின் அவர், அம்மாவைப் பார்ப்பதற்காக, மீண்டும் வீட்டிலிருந்து புறப்பட்டார். மருத்துவமனைக்குச் செல்லும் வழியில், தனது வாகனத்திற்குப் பெட்ரோல் நிரப்புவதற்காக நிறுத்திவிட்டு, தனது முறை வருவதற்காகக் காத்துக் கொண்டிருந்தார். அப்போது, சாலையோரத்தில், பிச்சையெடுக்கும் ஒரு பெண், தனது இரு பிள்ளைகளுடன் உட்கார்ந்திருந்ததைக் கவனித்தார். அவர்கள் மூவரும் அழுக்கான ஆடைகளை உடுத்தியிருந்தனர். தலைமுடிகள் வாரப்படாமல், பார்ப்பதற்கு அவர்கள் அலங்கோலமாக இருந்தனர். உண்மையிலேயே அவர்கள், பசியினால் வாடியிருந்ததை அந்த இளைஞர் கவனித்தார். அருகிலிருந்த கடைக்குச் சென்று, சாதாரண ஒரு பிஸ்கஸ்ட் டப்பாவை வாங்கிவந்து அதைத் திறந்து அவர்களுக்குக் கொடுத்துவிட்டு, தனது வாகனத்திற்கும் பெட்ரோல் நிரப்பிக்கொண்டு, மருத்துவமனைக்குச் சென்றார் அவர். அங்கு, தீவிர சிகிச்சைப் பிரிவு அறையில் அம்மாவைக் காணவில்லை. அம்மா இறந்துவிட்டார்கள் என்ற பதட்டத்துடன், கையில் வைத்திருந்த பொருள்களை அப்படியே போட்டுவிட்டு, செவிலியரிடம் ஓடினார் இளைஞர். “உங்கள் அம்மா திடீரென கண் திறந்தார், அவரின் உடல்நிலையில் முன்னேற்றம் தெரிந்தது, அதனால் அவரை, அந்த அறையிலிருந்து அடுத்த அறைக்கு மாற்றியுள்ளோம்” என்றனர் செவிலியர். உடனே அந்த அறைக்கு ஓடிச் சென்று, அம்மாவின் கரங்களை இறுகப் பற்றிக்கொண்டு, அம்மா என்ன நடந்தது? எனக் கேட்டார் ஆனந்தக் கண்ணீருடன். அம்மா சொன்னார் – நான் மயக்கநிலையிலிருந்தபோது, அழுக்கான உடையணிந்த ஒரு பெண்ணும், அவரின் இரு குழந்தைகளும், கைகளை விண்ணை நோக்கி விரித்து, எனக்காகச் செபித்ததைப் பார்த்தேன் என்று. இளைஞர், வாயடைத்து நின்றார். இது ஓர் உண்மை நிகழ்வு. தாயான தெய்வம், இளைஞரின் தாயைக் காப்பாற்ற, ஏழைத்தாய் வடிவில் தோன்றி, இளைஞரில் இரக்கம் சுரக்க வைத்துள்ளார். (ஆதாரம் : வத்திக்கான் வானொலி) [2017-06-28 23:35:10]


ஜூன் 29, பேராயர்களுக்கு பாலியம் வழங்கும் திருத்தந்தை

"நம் ஒவ்வொருவரையும் இறைவன் அன்போடு கண்ணோக்குகிறார்" என்ற செய்தியை, திருத்தந்தை பிரான்சிஸ் அவர்கள், தன் டுவிட்டர் பக்கத்தில் இப்புதனன்று வெளியிட்டுள்ளார். @pontifex என்ற முகவரியில், திருத்தந்தை பகிர்ந்துவரும் டுவிட்டர் செய்திகள், இத்தாலியம், இஸ்பானியம், போர்த்துகீசியம், ஆங்கிலம், பிரெஞ்சு, ஜெர்மானியம், இலத்தீன், போலந்து, அரேபியம் ஆகிய ஒன்பது மொழிகளில் ஒவ்வொருநாளும் வெளியாகின்றன. மேலும், ஜூன் 28, இப்புதன் மாலை நான்கு மணிக்கு வத்திக்கான் புனித பேதுரு பசிலிக்கா பேராலயத்தில் நிகழும் ஒரு சிறப்பு வழிபாட்டில், 5 புதிய கர்தினால்களுக்கு திருத்தந்தை பிரான்சிஸ் அவர்கள், மோதிரம், தொப்பி, பட்டம் ஆகியவற்றை வழங்குகிறார். இதைத் தொடர்ந்து, புதிய கர்தினால்கள், தங்கள் உறவினர், நண்பர்கள், மக்கள் ஆகியோரை, இப்புதன் மாலை 6 மணி முதல் 8 மணிவரை, வத்திக்கானிலுள்ள அருளாளர் ஆறாம் பவுல் அரங்கத்தில் சந்திக்கின்றனர். ஜூன் 29, இவ்வியாழன் சிறப்பிக்கப்படும் புனிதர்கள் பேதுரு, பவுல் பெருவிழாவன்று காலை 9.30 மணிக்கு, வத்திக்கான் புனித பேதுரு வளாகத்தில் நடைபெறும் திருப்பலியை, தலைமையேற்று நடத்தும் திருத்தந்தை பிரான்சிஸ் அவர்கள், கடந்த ஓராண்டில் நியமிக்கப்பட்ட 36 பேராயர்களில், 32 பேருக்கு பாலியம் எனப்படும் தோள்பட்டையை வழங்குகிறார். (ஆதாரம் : வத்திக்கான் வானொலி) [2017-06-28 23:28:43]


முழு ஒன்றிப்பை நோக்கிய பாதையில் நடைபோட..

புனிதர்கள் பேதுருவும் பவுலும் வேறு வேறு வழிகளில் இறைவனுக்குச் சேவையாற்றினாலும், இருவரும் இறைத்தந்தையின் இரக்கம் நிறை அன்பின் சாட்சிகளாக ஒரே நோக்குடன் செயல்பட்டார்கள் என்பதை மனதில்கொண்டே, இப்புனிதர்களின் திருவிழாவை கிழக்கு மற்றும் மேற்கு திருஅவைகள் இணைந்து கொண்டாடுகின்றன என்றார், திருத்தந்தை பிரான்சிஸ். இவ்வியாழனன்று திருஅவையில் சிறப்பிக்கப்படும் 'புனிதர்கள் பேதுரு மற்றும் பவுல்' பெருவிழாவில் பங்குபெற கான்ஸ்டான்டிநோபிள் கிறிஸ்தவ ஒன்றிப்பு சபையின் முதுபெரும் தந்தை பர்த்தலோமேயு அவர்களின் பிரதிநிதிகளாக அனுப்பப்பட்டுள்ள குழுவை, இச்செவ்வாய்க்கிழமை காலை, திருப்பீடத்தில் சந்தித்தபோது, கிறிஸ்தவ ஒன்றிப்பின் முக்கியத்துவத்தை வலியுறுத்தி உரையாற்றினார் திருத்தந்தை பிரான்சிஸ். கான்ஸ்டான்டிநோபிள் கிறிஸ்தவ ஒன்றிப்பு சபை, மற்றும், கத்தோலிக்க திருஅவையின் தலைமைப்பீட பாதுகாவலர்களின் திருவிழாக்களின்போது இவ்விரு சபைகளும், பிரதிநிதிகள் குழுவை அனுப்புவதை வழக்கமாகக் கொண்டுள்ளதைச் சுட்டிக்காட்டிய திருத்தந்தை பிரான்சிஸ் அவர்கள், இத்தகைய சூழல்கள் இருதரப்பினரிடையேயும் முழு ஒன்றிப்பிற்கான ஆவலை அதிகரிக்க உதவுகின்றன என்றார். கிறிஸ்தவத்தின் முதல் ஆயிரம் ஆண்டுகளில், இயேசுவின் சீடர்களின் படிப்பினைகளுக்கு இயைந்த வகையில் பல்வகைப்பட்ட இறையியல், ஆன்மீக மற்றும் திருஅவை பாரம்பரியங்களைக் கொண்டிருந்தாலும், இவ்விரு திருஅவைகளும் ஒரே திருப்பலி மேடைகளைப் பகிர்ந்து வந்ததையும் சுட்டிக்காட்டிய திருத்தந்தை, பன்மைத்தன்மையைப் பாதுகாக்கும் அதேவேளை, ஒன்றிப்பையும் கொண்டிருக்க முடியும் என்றார். 1967ம் ஆண்டு கான்ஸ்டான்டிநோபிள் முதுபெரும் தந்தை Athenagoras அவர்களுக்கும், திருத்தந்தை, அருளாளர் 6ம் பவுல் அவர்களுக்கும் இடையே இடம்பெற்ற சந்திப்பின் ஐம்பதாம் ஆண்டு தற்போது நினைவுகூரப்படுவதையும் எடுத்துரைத்தார், திருத்தந்தை பிரான்சிஸ். இயேசுவின் மீது கொண்ட அன்பினால் மட்டுமே உந்தப்பட்டு, ஒன்றிப்பை நோக்கிய பாதையைப் பலப்படுத்திய இவர்களின் இந்த எடுத்துக்காட்டு, நாமனைவரும், முழு ஒன்றிப்பை நோக்கி நடைபோட ஊக்கமளிக்கிறது எனவும் கூறினார் திருத்தந்தை. அடுத்த செப்டம்பரில், கிரேக்கத்தின் Leros நகரில், கத்தோலிக்க திருஅவைக்கும் ஆர்த்தடாக்ஸ் கிறிஸ்தவ சபைக்கும் இடையே இறையியல் கருத்துப் பரிமாற்றங்கள் குறித்த, ஒருங்கிணைந்த உலகளாவிய கூட்டம் இடம்பெற உள்ளதையும் இச்சந்திப்பின்போது நினைவூட்டினார் திருத்தந்தை பிரான்சிஸ். (ஆதாரம் : வத்திக்கான் வானொலி) [2017-06-28 01:01:42]


போதைப்பொருள் வியாபாரம் குறித்து திருஅவை கவலை

தேசிய அளவிலும், உலக நாடுகளின் எல்லைகளுக்கு இடையேயும் போதைப்பொருள் சந்தையை ஊக்குவிக்கும் கும்பல்களால் போதைப்பொருள் வியாபாரம் ஒடுக்க முடியாததாக விரிந்து வளர்வதாக கவலையை வெளியிட்டுள்ளார், கர்தினால் பீட்டர் டர்க்சன். ஒருங்கிணைந்த மனித வளர்ச்சிக்குரிய திருப்பீட அவையின் தலைவர், கர்தினால் டர்க்சன் அவர்கள், சட்டத்துக்குப் புறம்பான வழிகளில் போதைப்பொருள் பயன்பாடு, மற்றும், சட்டவிரோத வியாபாரத்திற்கு எதிரான உலக நாளையொட்டி வெளியிட்ட செய்தியில் இவ்வாறு கூறியுள்ளார். போதைப்பொருளை சார்ந்திருக்கும் நிலையும், அது தினசரி வாழ்வின் ஒரு பகுதியாக மாறிவிட்ட நிலையும் கவலை தருவதாக உள்ளது என்று கர்தினால் டர்க்சன் அவர்கள், தன் செய்தியில் எடுத்துரைத்துள்ளார். கணனி வலைத்தளங்கள் வழியாக புதிய போதைப்பொருட்கள் விற்கப்படுவது குறித்தும் கூறியுள்ள கர்தினால் டர்க்சன் அவர்கள், விளையாட்டுகள் பெயராலும், நலவாழ்வு என்ற போர்வையிலும், போதைப்பொருட்கள் ஊக்குவிக்கப்படுவதையும் சுட்டிக்காட்டியுள்ளார். வேறுபல முக்கியத் தேவைகளில் அரசுகள் கவனம் செலுத்த வேண்டியிருப்பதால், போதைப்பொருள்களுக்கு எதிரான தீவிர நடவடிக்கைகளில் தோய்வு ஏற்பட்டுள்ளதையும் கர்தினால் டர்க்சன் அவர்களின் செய்தி சுட்டிக்காட்டியுள்ளது. (ஆதாரம் : வத்திக்கான் வானொலி) [2017-06-27 01:39:32]


தண்ணீர் வாழ்வின் ஊற்று, இதை மாசுபடுத்துவது முரணானது

தண்ணீர் வாழ்வின் ஊற்று, இதை மாசுபடுத்துவது, இதற்கு முரணானது என, ஒரு பன்னாட்டு நீச்சல் விளையாட்டுப் போட்டியில் கலந்துகொள்பவர்களிடம் கூறினார், திருத்தந்தை பிரான்சிஸ். இஞ்ஞாயிறன்று நிறைவடையும் 54வது உலக "Settecolli" நீச்சல் போட்டியில் கலந்துகொள்பவர்கள், இதனை நடத்துபவர்கள், மற்றும், இதற்கு உதவிசெய்கிறவர்கள் என, 300 பேரை இச்சனிக்கிழமையன்று, வத்திக்கானின் கிளமெந்தினா அறையில் சந்தித்து உரையாற்றிய திருத்தந்தை பிரான்சிஸ் அவர்கள், விளையாட்டு என்பது ஒரு விழா, ஆயினும், இது விழுமியங்கள் அற்றது அல்ல எனக் கூறினார். மாசுபடுத்தப்படாத தண்ணீரின் முக்கியத்துவம் பற்றியும் பேசிய திருத்தந்தை, தண்ணீரோடு தொடர்புகொண்டுள்ள இவ்வீரர்களின் போட்டித்தன்மை, விளையாட்டு என எல்லாமே, ஒரு வித்தியாசமான தண்ணீர் கலாச்சாரத்திற்கு உதவ முடியும் என்றும், தண்ணீர் என்பது வாழ்வு, தண்ணீரின்றி, வாழ்வே கிடையாது என்றும், வாழ்வு பற்றிப் பேசுவது, வாழ்வின் தொடக்கமும், ஊற்றுமாகிய, கடவுள் பற்றிப் பேசுவதாகும் என்றும், கூறினார். கிறிஸ்தவ வாழ்வும், திருமுழுக்கோடு, தண்ணீரின் அடையாளத்தோடு ஆரம்பிக்கின்றது எனவும் கூறியத் திருத்தந்தை பிரான்சிஸ் அவர்கள், விளையாட்டுக்கு, பல நற்பண்புகளை வளர்க்க வேண்டியது அவசியம் எனவும் கூறினார். புடாபெஸ்ட் நகரில், வருகிற ஜூலையில் நடைபெறவுள்ள உலக கோப்பை விளையாட்டுக்கு முன்னதாக, உரோம் நகரில் Settecolli நிகழ்வு இடம்பெறுகின்றது. இதில், 36 நாடுகளிலிருந்து 700க்கும் மேற்பட்ட நீச்சல் வீரர்கள் கலந்துகொள்கின்றனர். (ஆதாரம் : வத்திக்கான் வானொலி) [2017-06-26 00:13:19]


மனித வர்த்தகத்தில் சிக்கியுள்ளவர்களை மீட்பதற்கு திருப்பீடம்

மனித வர்த்தக அடிமைத்தனத்தில் சிக்கியுள்ளவர்களை, அச்சூழலிலிருந்து விடுவிப்பதற்கு, இயலக்கூடிய எல்லாவித வாய்ப்புக்களையும் பயன்படுத்தவேண்டியது அவசியம் என, திருப்பீட அதிகாரி ஒருவர், ஐ.நா.வில் கூறினார். மனித வர்த்தகத்தை ஒழிப்பது குறித்த உலகளாவிய செயல்திட்டம் பற்றி, வருகிற செப்டம்பரில் நடைபெறவுள்ள உயர்மட்ட கூட்டத்திற்குத் தயாரிப்பாக, இவ்வெள்ளியன்று, நியு யார்க் ஐ.நா. தலைமையகத்தில் இடம்பெற்ற ஐ.நா. அமர்வில், ஐ.நா.வுக்கான திருப்பீடப் பிரதிநிதி பேராயர் பெர்னார்தித்தோ அவுசா அவர்கள் உரையாற்றுகையில், இவ்வாறு கூறினார். மனித வர்த்தகம், இன்றைய உலகில் மிகவும் அச்சுறுத்துகின்ற, மற்றும், துயரம் நிறைந்த நடவடிக்கைகளில் ஒன்று என்றும், இதில் தற்போது சிக்கியுள்ளவர்கள் மற்றும், இதிலிருந்து மீண்டவர்களின் மனித உரிமைகள் குறித்தும், இவர்களின் இந்த உரிமைகள் பாதுகாக்கப்பட வேண்டியது குறித்தும், தான் வலியுறுத்த விரும்புவதாகத் தெரிவித்தார், பேராயர் அவுசா. மனித வர்த்தகத்திற்குப் பலியானவர்களின் உரிமைகளுக்காகப் போராடுவது முக்கியமானது எனினும், இது போதாது என்றுரைத்த பேராயர் அவுசா அவர்கள், இவர்களின் சட்டமுறையான, பொருளாதார, கல்வி, மருத்துவ மற்றும், உளவியல் தேவைகள் நிறைவேற்றப்படுவதில் கவனம் செலுத்தப்பட வேண்டும் என்றும், ஐ.நா.வில் உரையாற்றினார் பேராயர் அவுசா. (ஆதாரம் : வத்திக்கான் வானொலி) [2017-06-25 01:24:55]


பக்க இலக்கங்களை அழுத்தி எல்லா செய்திகளையும் பார்வையிடவும்