இன்றைய புனிதர் பகுதியை தொகுத்து வழங்குபவர்
அருள்திரு. மை. அடைக்கலம் டொனால்டு
கும்பகோணம் மறைமாவட்டம்
தமிழகம், இந்தியா

என் ஆட்சி வரும்போது நீங்கள் என்னோடு பந்தியில் அமர்ந்து உண்டு குடிப்பீர்கள்; இஸ்ரயேலின் பன்னிரு குலத்தவருக்கும் தீர்ப்பு வழங்க அரியணையில் அமர்வீர்கள்.
(லூக்கா 22:30)


இன்றைய புனிதர்

2017-10-20

சால்ஸ்பூர்க் ஆயர் விட்டாலிஸ் Vitalis von Salzburg


பிறப்பு
7 ஆம் நூற்றாண்டு

இறப்பு
20 அக்டோபர் 730,
சால்ஸ்பூர்க் Salzburg, ஆஸ்திரியா

பாதுகாவல்: குழந்தைகள், கர்ப்பிணி பெண்கள்


இவர் தனது இளம்வயதிலிருந்தே மறைப்பணியாளராக வேண்டுமென்று ஆசைக்கொண்டார். இவர் சால்ஸ்பூர்க் ஆயர் ரூபர்ட் (Rubert) என்பவரிடம் கல்வி கற்றார். பிறகு ஆயர் ரூபர்ட் 27 ஆம் நாள் மார்ச் 718 ஆம் ஆண்டு இறந்துவிடவே, அவருக்கு பிறகு, அவரின் ஆசிரியர் பதவியை விட்டாலிஸ்(Vitalis) ஏற்றார். 12 ஆண்டுகள் தொடர்ந்து அப்பணியை செய்தார். அதன்பிறகு விட்டாலிஸ் சால்ஸ்பூர்க்கில் ஆயர் பதவியை ஏற்றார். ஆயர் ரூபர்ட் பெரிய மறைபரப்பு பணியாளராக வேண்டுமென்று ஆசைக்கொண்டார். ஆனால் விட்டாலிஸ் அவ்விருப்பத்தை தன் பணியின் வழியாக நிறைவேற்றினார். இவர் சால்ஸ்பூர்க்கில் புகழ் வாய்ந்த மறைபரப்பு பணியாளராக திகழ்ந்தார்.

செபம்:

ஆற்றல் மிக்க இறைவா! குழந்தை பருவத்திலிருந்தே உம்மீது ஆர்வம் கொண்டு வாழ புனித விட்டாலிசை தூண்டினீர். உமது இறைத்திட்டத்தை அவரில் நிறைவேற்றினீர் இன்று எம்மை நீர் தயையுடன் கண்ணோக்கியருளும். உமது அன்பால் நாங்கள் தூண்டப்பட்டு என்றும் உம்பணியில் ஆர்வம் கொண்டு செயல்பட நீர் அருள்புரிய வேண்டுமென்று இறைவா உம்மை மன்றாடுகின்றோம்



இந்நாளில் நினைவுகூறப்படும் பிற புனிதர்கள்


• பிரான்ஸ் அலெக்சாண்டர் யாக்கோப் கெர்ன் Franz Alexander Jacob Kern

பிறப்பு: 11 ஏப்ரல் 1897, வியன்னா Wien, ஆஸ்திரியா
இறப்பு: 20 அக்டோபர் 1924, வியன்னா, ஆஸ்திரியா


• துறவி மரியா பெர்டில்லா போஸ்கார்டின் Maria Bertilla Boscardin SSD

பிறப்பு: 6 அக்டோபர் 1888, பிரெண்டோலா Brendola, இத்தாலி
இறப்பு: 20 அக்டோபர் 1922, டிரேவிசோ Treviso, இத்தாலி
புனிதர்பட்டம்: 11 மே 1961, திருத்தந்தை 23 ஆம் அருளப்பர்